Noeles.net - Informazion ladina - TV Ladina - La Convenziun nöia RAI-Stat

I politics: dal 2003 inant 10 menuc de telejornal

Chest trafònel da les tratatives anter Provinzia y la RAI a revert la convenzion nueva

c.p. - Por Nadè dl proscim ann podess l'informaziun ladina ciafè na bela scincunda dala politica nazionala y provinziala sot le lëgn. Ala fin dl 2002 gnarál firmé a Roma la Convenziun nöia inanter Stat talian y aziënda RAI. Odü danfora él ince val' novité por ci che reverda la redaziun ladina dla RAI da Balsan, novitês che jarà spo en funziun por la fin dl 2003.

Almanco chësta la minunga dl assessur ladin Florian Mussner. Do deplü incuntades y telefonades ch'é gnüdes fates da pert dl assessur por la cultura y la scola ladina cun esponënc dla RAI da Roma, pêl finalmënter poscibl che la RAI-Ladina ciafes ci che ara s'á ghirè da tröc agn: "Por la fin dl 2003 messesela ester tan inant che les trasmisciuns, naota chëres tla televijun ladina ciafes plü lerch, avisa en trëi fina cater menüc deplü, á assigurè l'assessur Mussner. "Novitês él ince odü danfora por chël che reverda la poscibla provinzialisaziun dla aziënda RAI, che messess secund insiders y esperc dl setur ince tosc ester tan inant. "Por la provinzia de Balsan m'él naota gnü dit dai direturs da Roma che al podess gni fat na ezeziun por chël che evardará les trasmisciuns", dij l'assessur ladin. Da s'aspetè él veramënter che chësc corespognes finalmënter a verité y che finalmënter - por le bëgn de düc i ladins - y por le bëgn dl pluralism televisif y che ince la mendranza ladina ciafes süa lerch ti media publics. Da stlarí romágnel ciamò l'aumënt de personal tla redaziun ladina y l'autonomia de chësta. Da recordè él inultima che da d'altonn dl proscim ann sarál indô les lîtes provinziales te nosta provinzia. Che le düt ais ince saù litala é bele sëgn tan co tler, da sperè él che le tem dl informaziun ladina ince tla televijiun vëgnes ciamò tratè plü sot y sciöche al toca dai omi dla politica de nosta provinzia y che ala ne tomes nia indô te ega, sciöche al é sozedü por trö massa agn. (cp)


Vos ne seis nia loghé ite. [ Loghé ite ]