benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Scì al implant Col dl'Ancona, ma con condizions
scrit ai 24 June 2003 da les 10:43:00 da noeles

Economia

 

 "Scì al implant de Col dl'Ancona"

Per  Antermeia endere n gran vare endò, bosch empede turism

(if) Enier (23-06-2003) à la Jonta provinziala aproé definitivamenter l projet de coliament anter San Martin/Picolin con l raion di schi de Al Plan/Plan de Corones con n implant portamont nuef "Col dl'Ancona" soura Ju, ma metan dant zacotan de condizions per l'eventuala realisazion. L comité per la soportanza ambientala ova dé ju n arat negatif, dantaldut davia che la templa de Ju é outeda devers soredl, con garantì deguna neif per la majera pert dl invern y davia che l implant dezipassa cotant la bela paruda de contreda paurila. Ma la dezijion finala ti speta a la Jonta  provinziala y chela à dit scì a certes condizions. L projet preveid la costruzion de n implant  de na lungheza de 1960 metri con stazion a val a Picolin y stazion a mont sun Col dl'Ancona su "Jù". Les condizions metudes dant da la Jonta provinziala é che doi implanc  portamont tl paisc de Antermeia "Piz Fontanela" y "Mont de Mur", da n per de agn nia plu en funzion, vegne trac ju y che les pistes vegne endò curides con bosch. En plu dess la conduta eletrica da Picolin su Jù vegnì metuda sot tera. Sun l retrat: Picolin con la Ciasa dl Maier.
 



Chesta acordanza significheia per Antermeia endò n vare zeruch.  A Antermeia, picera frazion dl comun da San Martin de Tor, 11 km dancialà, con za. 300 abitanc y deplù strutures turistiches fòvel bele da n pez che ala jiva jupert con l turism da d'invern. Stritaries (per n pez jìvel debujegn 2 chertes per 3 implanc) y la ciarestia de neif a la fin di agn '80 à condut a na situazion dret grieva. L prum implant portamont va zeruch ai agn '60 y peia via dlongia la gliejia de paisc. Per se asseguré pistes con neif segura fòvel vegnù fat y aproé da la Jonta Provinziala ti prums agn '80 n projet de ampliament dl raion da jì con i schi sun l jouf de Börz (2000 m), ma chest ne é nia vegnù realisé per gauja de na oposizion te paisc. L projet che essa asseguré n davegnì per la sajon da d'invern é enscì tomé. Sen someiel che dutes les bries, dantaldut dl vedl Ostier dl paisc, Hermann Winkler, entratant mort, sie stedes per nia: les pistes da Fontanela ju, olache al é vegnù spenù ite trueps mesi finanziars, deventarà endò bosch. Antermeia, n paisc scialdi isolé te na val laterala, perd enscì la vitalité da d'invern, condut che an à fat na pista per les lueses y valgugn certli de paslonch, ma la gran atrazion, la poscibelté de jì con i schi va perduda. Al  é dessegur un di puec paisc lonc y lerch olache al vegn trat ju implanc portamont y  tout demez infrastrutures turistiches.

 
Liams emparentés
· Deplú sun l tema Economia
· Chier te noeles


L articul plu liet te chest tema Economia:
Economia: Stude da comerzialist Verginer


Valutazion dl articul
Cumpeida mesana de oujes: 3
Oujes: 2


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.380 seconc