L lingaz ladin lascé fora pro un di doi referendums - Chi à pa fat les traduzions?
En domenia passeda ti él vegnù sourandé a vigni zitadin che é jù a lité does plates con lassoura les domandes. Pro chi de Gherdeina fòvel demé una na domanda metuda ju per ladin, pro l’autra manciòvel la traduzion per ladin. N segn che an se la tol scialdi a la lesiera canche ala se trata dl ladin sciche lingaz ofizial.
Sun l retrat: l raprejentant ladin dr. Carlo Willeit.
Davia che la lege scriv dant che i documenc ofiziai che reverda i ladins mess ence vegnì scric per ladin, à l raprejentant ladin tl Consei provinzial Carlo Willeit damané te na interogazion chi che se à cruzié dles traduzions y ciuldì che al é vegnù lascé fora l test ladin pro un di doi referendums. (if)
