benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Na mostra de pitours ampezans
scrit ai 18 June 2003 da les 08:08:05 da noeles

Cultura

 

Dadié, Demenego y Gandini adum tla Galeria Civica

de Ernesto Majoni

Tla Galeria Civica soura les Postes él vegnù davert en domenia, ai 15 de jugn na mostra de pitours ampezans che vegnirá inaugureda ofizialmenter en sabeda ai 5 de lui (messel) y che jirà inant enfin ai 26, duc i dis fora che dl lunesc dantmesdì. Te chesta mostra organiseda dal Comun y batieda "Nostes vals/Le nostre valli", giáten laours de Graziano Dadié Bechìn, Edi Demenego de Zero y Fabio Gandini.  Sun la foto: i paisajes entourn Cortina l tema dla mostra di artisc' ampezans. L ciampanil dla gliejia spizola anter l vert dla fopa ampezana.



Graziano Bechìn, á bele da agn abelì sia ciasa a Meleres con n smaz de gili pituré sot l piol (sorá/barcon), el coloresc ence la teila, y el á enjigné n grum de palegrés per i servisc a l’ampezana. El adora colours a uele y pastel, lapesc y tempera, y daspes mesceidel dut adum, per proé laours nuefs. Al ti plej fé ju la natura: con i agn ál fat truepes mostres, da soul o con d'autri, y al é la cuarta outa che al fej vedei si laours tla Galeria Civica.

Edi de Zèro á mostré sies pitures zacotan de iadesc tla Talia y foradecá (l ultim iade dl 2002, canche al á saré sie Hotel Fanes). Per sie cont ál enjigné 20 mostres y si chedri é ruvés enfin tl'America, Francia, Inghiltera, Germania, Austria y te truepes zités talianes. Al ova emparé a adoré i colours a ega da Carlo De Zulian (n bon pitour da Pardac, mort dl ’78, che ova maridé n’ampezana). Te Ampez ál lauré truep, ma al é vegnú recordé do la rata puech. Con d'autri ál proé a depenje a uele y tempera, ma el laora ence l fer, l legn y la ceramica.

Si chedri sotescriv Fabio Gandini con Fabjus. El depenj souraldut bosc, pres, creps coris da la neif y ert sacra. Dal ‘70 s’ál metù a depenje sun viere y al á proé a fé chedri "figuratifs", olache al á depent a sia moda i ciantons plu biei dles Dolomites. Al á fat vedei si laours te n grum de mostres y al nen á fat cotantes. Per chi che ne i conesc nia ciamò chisc artisc' sará chesta  na bela ocajion de vedei deberieda trei de nosc artisc'  che laoura semper con na bona saour y na bona man.


 
Liams emparentés
· Deplú sun l tema Cultura
· Chier te noeles


L articul plu liet te chest tema Cultura:
Sotescrivede l Manifest LADINIA 2005!


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.353 seconc