benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

N comentar tout da la Usc di Ladins
scrit ai 11 June 2003 da les 18:46:07 da noeles

Cultura

 

"Les istituzions publiches á l dovei de respeté les ghiranzes de n lingaz unifiché"

Entourn la discuscion dl Ladin standard (ence clamé valch outa ladin dolomitan) reportonse chilò dessot n comentar dl capo-redadour dla Usc di Ladins Iaco Rigo,  publiché tla ultima edizion dla Usc di 7 de jugn 2003, ence per i vijitadours de nost sit che ne á poester nia la Usc o ruva permò plu tert permez. 

Iaco Rigo: "Al é demé dret y bon che l lingaz ladin, vedú tant debl y puere de formes de esprescion da cotanc - ence da ladins enstesc -  é sté bon da se svilupé ence do la Seconda Vera. I ladins á dé l vare deberieda con i lingac plu stersc dl mond, i ladins ne é nia stés chiec. N lingaz á da mudé, al mess mudé davia che la jent muda y samben  l comportament de chesta. L statuts-quo o n "purism-scolastich" per n lingaz volessa dí l mete te n museum, ne l aziché nia plu.



Sen é i ladins dant a n gran vare storich-cultural: chel dla adoranza tla vita da vigni di dl ladin unifiché, da deplú (desche ence da nost foliet) végnel bele adoré. Al ne vegn nia dé n vare damat, al ne é nia n flash, o n projet sforzé su. Sce al é vegnú crié y laoré fora tl ultim diejen la koiné ladina, spo ne él nia sté per na idea idealistica o assurda de valch scienzé ladin. L lingaz ladin é vegnú laoré fora tl dret temp, ence davia che l temp se l damana.

I tentatifs da crié n ladin unifiché per i ladins dles Dolomites, bele dant les does gran veres dl mond, ne é nience steda na idea de valch cervel genial y puech pratich, ma frut de na vijion ogetiva y sana sun la vita di ladins y sun sie davegní. Demé che con la pruma vera y l destin politich  - y de conseguenza sozio-cultural  dles despartizions - é l florí de n svilup intensif dl ladin, con la omogenisazion dl teritore y di idioms, tomeda adum. Aldidancuei, y nos podon l confermé di per di, él ora da adoré l ladin dolomitan te dutes les relazions che se l damana. Chilò veiden ence che al é fac y situazions che se l damana y che al ne vegn nia demé sforzé su.

L temp se damana l ladin unifiché y la jent ladina ence. Chest vuel dí che les istituzions publiches á l dovei de respeté les ghiranzes di nuzadours de si servisc. Y che se damana aldidancuei l ladin dolomitan (o ladin standard) ne él nia demé trei inteletuai o somiadours de na Panladinia. Y spo a la fin dess istituzions savei che con adoré demé una na varianta ladina - la plu unitara -sparágnen temp de laour, personal y moneides. Y sce al vegn dit che l ladin unifiché ne va nia da capí, spo é chest n comentar con na analisa puech credibla".


 
Liams emparentés
· Deplú sun l tema Cultura
· Chier te noeles


L articul plu liet te chest tema Cultura:
Sotescrivede l Manifest LADINIA 2005!


Valutazion dl articul
Cumpeida mesana de oujes: 5
Oujes: 4


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: N comentar tout da la Usc di Ladins (ponc: 1)
da Janpire ai 11 June 2003 da les 23:17:56
(Infos sun l utilisadour | Ti mané n messaje privat)
Speron che l comentar vegne ence liet dal Consei dl Istitut Ladin ..... olache "la vijion ogetiva y sana" ne é nia ciamò ruveda do l mote



Re: N comentar tout da la Usc di Ladins (ponc: 1)
da EValentini ai 11 June 2003 da les 23:23:22
(Infos sun l utilisadour | Ti mané n messaje privat)
N envit a duc chi che scriv sun noeles.net, unfat sce con sie inom o con n pseudonim: scivedeves ite al curs online y emparede l LS! Al n'é nia cis coerent laudé l lingaz ladin unitar y dramé ju sun chi é decontra y ne volei nia l emparé y adoré enstes. Cie che conta é i fac, verba volant!



Re: N comentar tout da la Usc di Ladins (ponc: 1)
da Dolasila ai 12 June 2003 da les 09:22:43
(Infos sun l utilisadour | Ti mané n messaje privat)
rigo, brau. tan de telefonades àl mo ciafé?
y ci dij y gragn Valentin y Moroder? Nia.
Ai vegn paiês cun scioldi publics, mo ne dà nia cunt a nos, che i paiun, de ci ch'ai fej. ci sort de regime.



Re: N comentar tout da la Usc di Ladins (ponc: 1)
da Dolasila ai 12 June 2003 da les 14:48:32
(Infos sun l utilisadour | Ti mané n messaje privat)
l Valentin president Istitut y Mussner, paies cun scioldi di ladins, deida desfà l lingaz ladin.

ne se dodai nia, él gnü damané. al pê de no



Re: N comentar tout da la Usc di Ladins (ponc: 1)
da giatfosch ai 12 June 2003 da les 18:11:36
(Infos sun l utilisadour | Ti mané n messaje privat)
co po pa n consei cherdé pur l'aministraziun tó dezijiuns sön la politica dl lingaz. Ci capesc Valentin de lingaz? nia. Ci Mussner? Ci i atri?
la dezijiun é cuntra l soravire dl lingaz ladin. n consei d istitut tl segn dl assimilaziun y dl chauvinism antiladin. I todesc ne jiss mai a na te moda cuntra so lingaz! Vigni ater grup etnich ess bele porcheré a ciasa cer "rapresentanc", che n'é nia "rapresentac" ajache ai ne n'é nia litês.


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.326 seconc