benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Iscrizions ciamò davertes
scrit ai 25 May 2003 da les 15:11:32 da noeles

Ladin Standard

 

Curs de Ladin Standard dai 7 de jugn inant

Sciche bele encundé plu outes vegn l curs de ladin standard chisc dis ciarié su tla rei. Encomà che do la ultima anunzia fata chisc dis y resteda puech temp on-line él ruvé permez autri 10 interessés, ruvan enscì a 20, lascionse ciamò n iade alsavei de chesta poscibelté ai navigadours de internet y vijitadours de nost sit: chi che volessa ciamò tó pert pò dutaorela se scrive ite manan na email a: curs-ls@noeles.net per giaté l username y la password per jì sun l sit colié de e-learning http://www.noeles.net/e-learn. Chi che á bele giaté i dac pò ti dé entratant na vidleda al sistem y al menú y lieje les prumes comunicazions y i prums termins y fé conferta con i autri partezipanc/les autres partezipantes.



Tl sit él ence n forum olache al pò vegní porté dant problems y domandes che pò sauté fora al scomenciament. Vignun pò fé l curs, che vegn souravidlé da n espert per se enstradé endertura, canche al á plu dlaorela.

Entant pòn se enjigné eventualmenter valgunes massaries che va de uega:

- la gramatica dl Ladin Standard (da aposté o giaté pro un di doi Istituc Ladins) o ence da dejciarié ju da Internet, ciala istruzions al intern dl curs.

- l Dizionar dl Ladin Standard (tamben da aposté o giaté pro un di doi Istituc Ladins); entratant l curs vegnirál dé glossars eletronics

- eventualmenter la "Wegleitung de H. Schmid" per capí miec l sistem linguistich che sta viadedò ....

 


 
Liams emparentés
· Deplú sun l tema Ladin Standard
· Chier te noeles


L articul plu liet te chest tema Ladin Standard:
Dal latin al ladin: storia dla evoluzion dl lingaz ladin


Valutazion dl articul
Cumpeida mesana de oujes: 5
Oujes: 1


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Iscrizions ciamò davertes (ponc: 1)
da EValentini ai 25 May 2003 da les 23:47:31
(Infos sun l utilisadour | Ti mané n messaje privat)
L curs de ladin standard vegn organisé da noeles.net con la colaborazion dla Union di ladins y de n valgugn esperc volontars. L prum vare é dagnora l plu rie; la technologia dl elearning ti pita a chi che ne à nia dlaorela de tò pert a n curs tradizional na bona ocajion per conesce les fondamentes dl lingaz ladin unifiché y per mete man de l scrive. Plu inant vegniràl ence metù a jì cursc tradizionai olà i podareis spo mioré vostes conescenzs. Ne aede nia pora, i vedareis tant saurì che al é da scrive per LS.
L envit a se scrive ite ti vegn sport en particolar a duc chi che à defenù sun chest sit o autrò l ladin standard: na bona ocajion per mete en pratica si credo linguistich. L ladin unifiché podarà demé vence sia batalia sce l certl de chi che sa da l scrive se slergia fora. Ma l envit va ence a chi che é decontra; unfat sce ai mantegnirà inant o no sia minonga negativa, l curs ti sarà d'utl ence per capì miec si idiom, sia rejoneda dla oma. Proé per creie!
A prest
Erwin Valentini



Re: Iscrizions ciamò davertes (ponc: 1)
da Dolasila ai 26 May 2003 da les 08:53:01
(Infos sun l utilisadour | Ti mané n messaje privat)
eh, la cossa da dodé é che la politica proibesc le ladin standard y che i privac mess fà i cursc.
Proibiziun de lingaz o de formes de lingaz é normalmenter n privilegh de fascisc.
Laprò é l ladin standard condiziun pur l suravire di ladins. l guern provinzial proibesc ci che po garantì l suravire di ladins.
Spo metel cun nüsc scioldi inserac de propaganda litala ti foliec.

schifo.




Re: Iscrizions ciamò davertes (ponc: 1)
da EValentini ai 26 May 2003 da les 10:42:53
(Infos sun l utilisadour | Ti mané n messaje privat)
Te as rejon Dolasila, ma se la baudié ne basta nia. La politica mudarà demé sce la jent desmostra con i fac che ala é pronta a adoré l LS. La partezipazion a n curs é l prum vare, l adoranza efetiva mess gnì do, p.ej. ti media, sciche à fat noeles.net. Sce y canche la politica vedarà che l'adoranza dl LS é valch de normal, se mudaràla ence ela.
Donca scivete ite ence tu al curs online.


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.417 seconc