benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

40 agn Uniun Maestri Ladins - UML
scrit ai 19 November 2002 da les 21:16:03 da noeles

Cultura

 

Dl 1962 se òven abiné te ostaria a Lungega

I temps se muda: enalouta pensòven "la maestra fej pa ben", encuei "féjela ben dret la maestra"

de Lois Castlunger

In sabeda ai 16 de novëmber 2002, dales 15.00 él stè a S. Ciascian, tla Ciasa Rungger, la festa di 40 agn de UML. A chësta manifestaziun à tut pert zirca 200 porsones, la maiù pert maestri che insëgna tles scoles dles valades ladines, dla Val Badia y de Gherdëna. Ince tröpes autoritês de dlijia, dla politica y dla cultura fô presënc.  Söl retrat le cuertl dl liber: "40 Agn Uniun Maestri Ladins" dè fora por l'ocajiun cun tröpes fotografies sura la vita y les ativitês dl'Uniun.



I tëmps se müda - Laôta punsâ i geniturs insciö: la maestra fej pa bëgn dërt. Al dedaincö: Féjela mo bëgn dërt la maestra? 

Do le salüt dl President dl UML Dr. Otto Moling ti él gnü dè la parora al assessur Dr. Florian Mussner, al Intendënt Dr. Roland Verra, al  Vizepresidënt dl Cunsëi Provinzial Dr. Carlo Willeit y al Ombolt de Badia
Dr. Ugo Dorigo, düc chisc à aprijé l'gran laûr fat fina sëgn y à incorajè a jì inant sön chësc tru.


Söl retrat: en grup de maestri cun so presidënt Otto Moling a manciampa foransom tratan en iade de istruziun.

L'Ispetur dles Scoles ladines Dr. Lois Ellecosta à spo recordè sciöche l' Uniun di Maestri é nasciüda. Do valgünes incuntades informales s'abinâ ai 30 d'agost 1962 te n local dla Ostaria Posta a Lungega n grup de 8 maestri: Dr. Franz Vittur, Sepl Moling, Pio Baldissera, Pire Comploi, Heinrich Castlunger, Stachio Costa, Lois Pescollderungg y Dr. Lois Ellecosta; y te chësta sentada che dorâ plü co cater ores gnôl metü sö le statut dla uniun nöia che ciafâ l'inom de "Uniun di Maestri Ladins dla Val Badia" (UML) La direturia Dr. Romi Crazzolara à spo rajonè  dles reformes y dles mudaziuns tl monn dla scola. Por ejëmpl éle mudè l'pensier di geniturs ti confrunc dla scola. Laôta punsâ i geniturs insciö: La Maestra fej pa bëgn dërt. Al dedaincö: Fejela mo bëgn dërt la maestra?  Dedô él  gnü prejentè l'liber "40 Agn Uniun Maestri Ladins", che é plëgn de informaziuns y retrac fora dla vita dl UML di ultims 20 agn.
Ala fin él gnü onorè 19 direturs y insegnanc dles scoles ladines. Por le prüm iade é gnüda fata chësta onoranza deboriada cun i insegnanc de Gherdëna, cossa che é gnüda tuta sö cun plajëi.
La festa é gnüda fata en colauraziun danter la Uniun Maestri Ladins, l' Assessorat ala Scora  y Cultura Ladina, l'Intëndenza dla Scora Ladins y le Comun de Badia.
Abelida é la festa gnüda da cianties portades dant da n cor de insegnanc, sot ala bachëta dl Maester de müjiga in pensiun Iarone Chizzali.
La plata internet dla Uniun Maestri Ladins: http://www.rolbox.it/uml/


 
Liams emparentés
· Deplú sun l tema Cultura
· Chier te noeles


L articul plu liet te chest tema Cultura:
Sotescrivede l Manifest LADINIA 2005!


Valutazion dl articul
Cumpeida mesana de oujes: 4.5
Oujes: 4


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.341 seconc