benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Envit a ombolc, assessours y funzionars de partí al Felsenkeller
scrit ai 22 May 2003 da les 20:51:46 da noeles

Politica

 

Te cianeva dal vin a se beive n got!

La Lista Ladins met depierpul adum tl chiet si 35 candidac, spo prejentazion spetaculara

L temp prelital ne deventará per i Ladins tla provinzia da Bulsan de segur nia da stufé chesta outa. Na enconteda politica ciacia l'autra, inserzions y comunicac jola encantourn. La Svp"ladina" conduj i maiours capi todesc ite per les valedes a la sostegní y a la daidé convence la jent. Pro les sauridanzes de n assessour sot a les ales de Durnwalder auda ence la poscibelté de podei fé n envit ofizial de vegní tl ciulé o tla cianeva a Laimburg a se beive n got de vin deberieda. Enscí va inant l laour de promozion litala dl candidat dla Svp, Florian Mussner. Propi chisc dis ti él vegnú mané fora l envit a ombolc, assessours a la cultura y ai assessours a les stredes di comuns ladins sciche ence ai funzionars de partí (Svp "ladina") de vegní ai 3 de jugn da les 19.00 tl conesciú "Felsenkeller" a Laimburg. Al ti vegnirá tenú su da beive y da mangé.



Chest l contegnú dl envit daté ai 16 de mei 2003 ortié fora dal assessorat: "Stimá esponënc politics ladins, i á le plajëi de ves invié a na incuntada conviviala cun vijita dla cianoa dla Laimburg en mertesc, ai 3 de jügn dales 19.00. Al tolará ince pert le Presidënt dla Provinzia dr. Luis Durnwalder. Al dess chësta ester na ocajiun da sté n pü adöm y da se la cunté sön argomënc desvalis. Speran da podëi Ves saludé en chësta ocajiun, ves salüdi bel intratan. Firmé, l Assessëur per i lëures publics, scola cultura ladina, Florian Mussner." Al resta la domanda, páiel el de persona o va dut sun l cont dla man publica?

Entratant che la Svp "ladina" se conzentreia sen sun sie soul candidat y proa da imprescioné con i gragn capi dla Svp todescia entournvia, é la Lista LADINS tl ruvé de mete adum si 35 candidac, musc nuefs da Gherdeina y da la Val Badia végnel encondé y ence valch candidat todesch empera.  Al ne vegn fat ciamò degugn inoms de chisc, ence per i sconé eventualmenter da certes telefonedes de prescion. Prejentazion spetaculara canche an sará tant inant. Deplú detais ne vuel i organisadours ciamò nia descurí. (ac)

 

Valgunes informazions sun l  "Felsenkeller" (l ciulé tl crep) a Laimburg per chi che ne savessa ciamò nia cie che al é:

A la fin di agn '80 ova la Cianeva dal Vin Provinziala debujegn de na majera lerch per podei enjigné ite n ciulé nuef con botes de len y n ciulé nuef per angostares (bozes) dal vin. Ajache la Cianeva dal vin a Laimburg sot Bulsan é fata su permez al crep, án tout la ocajion per foré inant tl crep i salfs nuefs che jiva de uega per l ampliament. Con la forza de 5 toneledes de dinamit él vegnú sclopeté ciará l porfir ros-cuecen dl "Mittelberg", l toponim dl dos che despartesc l Unterland dal Überetsch. Enscí án fat lerch a n ciulé de botes y a n ciulé de angostares (bozes) te chi che al é na temperatura naturala costanta. En plu án sclopeté ciará n salament  de 300molache al vegn prejenté te ocajions ofiziales l raion dal vin de Südtirol; foradechel végnel adoré sciche salf de raprejentanza dl Govern Provinzial. L plan per l ciulé é vegnú enjigné dal geom. da Bulsan Nori Gruber. Les does statues de bron da jí ite é vegnudes cheriedes dal artist gherdeina Guido Anton Muss. Les does figures raprejenteia l'eleganza sotila y megra y l vin sterch y corpous. L "Felsenkeller" ne é nia davert al publich. (Informazions toutes da http://www.laimburg.it)



 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 5
Oujes: 3


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Envit a ombolc, assessours y funzionars de partí al Felsenkeller (ponc: 1)
da Dolasila ai 22 May 2003 da les 21:20:19
(Infos sun l utilisadour | Ti mané n messaje privat)
ciara mader,
segn invieia l'assessur a bere! tla Laimburg.
La Laimburg é dla provinzia, nia dla SVP.
Strotörse publiches pur la PROPAGANDA LITALA.

na frizia de coreteza ?
NO!






Re: Envit a ombolc, assessours y funzionars de partí al Felsenkeller (ponc: 1)
da travers ai 22 May 2003 da les 22:28:15
(Infos sun l utilisadour | Ti mané n messaje privat)
Laimburg propaganda litala? Dessigü; y ci él pa de se fà tan de morvöia? Da can che monn é monn adora vigni partì al govern les strutures publiches por se fà propaganda litala. Sce al é val de plö déssen jì dala procura dla repubblica y no se la baudié danter i scioliti "cater giac".



Re: Envit a ombolc, assessours y funzionars de partí al Felsenkeller (ponc: 1)
da Dolasila ai 22 May 2003 da les 23:05:55
(Infos sun l utilisadour | Ti mané n messaje privat)
deunzié Mussner por
abuso d'ufficio?
bona idea



Re: Envit a ombolc, assessours y funzionars de partí al Felsenkeller (ponc: 1)
da Dolasila ai 22 May 2003 da les 23:07:07
(Infos sun l utilisadour | Ti mané n messaje privat)
scioldi publics por la propaganda
comunicac stampa dês fora dales istituziuns che dij cosses nia vei
y i reflé ados ala stampa
por i tó la liberté

sistem da regime, nopa?


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.411 seconc