Pepi Dejaco: "Enscí no! Demé se abiné n iade al ann y ruvé via dut cant con na bona ceina o marena, chesta é demé na comedia, n cosmetich"
L‘idea de n organism interregional per mete jí na mioura colaborazion anter i Ladins dles cinch valedes, idea endò trata su dal president dla Jonta provinziala da Bulsan, Luis Durnwalder, entratant sia vijita ai Ladins da Souramont via Ampez, giata tres n majer resson. Finamai la SVP ladina á rejoné te sia ultima senteda a Selva, per merit de Durnwalder prejent a la senteda y che á recordé en curt a cie moda che al vegn sen trat ca l‘idea de n organism interegional. La cossa, á dit Durnwalder, é preveduda da la legia nueva nr. 482 sun les mendranzes dla Talia. Sce na mendranza tol ite plu provinzies y regions, spo déssel vegní metú su n organism interregional almanco per cie che reverda la cultura, la tradizion, l‘ensegnament de sie lingaz y e.i.. Per l partí Svp conta souradut i ombolc y perchel él vegnú pensé de mete adum i ombolc di 18 comuns storics ladins. La Union Generela di Ladins dles Dolomites (Generela) fossa envieda a fé propostes dantaldut de carater cultural, ma la dezijion y la realisazion dla proposta ti tochessa tres al comité di ombolc.
Sce valgugn esponenc dles unions culturales da Souramont s‘á declaré dassen entusiasc' dla cossa, án podú audí i dis passés na ousc n pue critica, n pue freida de n ombolt dla Val Badia, Pepi Dejaco da San Martin. Dejaco é vizeombolt dla Svp a livel provinzial y perchel á sia minonga dessegur n cert peis. Dejaco crei tla cossa y propi davia che al veid tla idea de n organ interregional la ocajion de n dialogh interladin nuef y efetif, féjel n valgunes propostes che muda la composizion dl organ interregional.
Do sia minonga él dassen rie mete adum na comiscion de 18 ombolc che posse se abiné plu iadesc al ann. Demé se abiné n iade al ann y ruvé via dut cant con na bona ceina o marena, chesta é demé na comedia, n cosmetich. Te n tel organ manciássel spo la dialetica. Enscí no! Ala se trata de mete su n gremium che tole ite n ombolt per valeda y che sie davert a esperc, a raprejentanc dles Unions, n organ davert a la dialetica. N gremium che ae podei dezijional sun tematiches culturales, ence sce demé consultif per i enc provinziai o regionai y che ae a sia desposizion n „fond". An é dant a n gran vare inant, ma che dess vegní enjigné ca aldò. Na cossa dassen interessanta che á debujegn de na gran volenté politica. Dantfora vuelel ester n gran laour de preparazion. An dess naouta mete su na comiscion che analiseie l problem, che enjigne ca na lingia de propostes, de soluzions. Samben déssen ence naouta ester a una anter provinzies y regions sun ciunes che podessa ester les competenzes de chest gremium. Ala ne se trata nia demé de na comunité de val, ma de n organism che ejamineie naouta la volenté dles valedes de laoré adum y che dije ciugn che pò ester i ciamps de colaborazion, olà mete man y co pretene l respet dles dezijions toutes dal gremium.
L entusiasm é na gran bela cossa, ma an dess jí con i piesc via per tera, per ester segurs de envié via na cossa sceria, che dure tl temp. Medret nia avei prescia y studié ben dantfora les condizions. A livel de Jonta provinziala, tres sie president Durnwalder, désmostren de creie tla cossa. A cie moda ne dess pa nia creie i ladins enstesc? La union di Ladins, sia colaborazion pò garaté realté, sce al é na coscienza politica dla mendranza aldò. L bel á cíamò da vegní sce an é bogn de ouje plata y de se mete adum (uc).
-
Ladinia: enconteda di ombolc ai 27 de messel 206
-
- Comentar sun n referendum y la lege 482/99
- L ombolt de Col Santa Lizia peia via
- La lege 482/99 - Contegnus
- La posizion de Bepe Detomas sun la lege 482/99 *** letura dret aconsieda
- Devers l organism de coordinament 482/99: propostes da Trent
- Letra daverta dl president dla Comunanza Ladina a Bulsan
- Comunicat stampa dl ofize stampa de Bulsan: conferenza di ombolc
- Union Generela di Ladins dles Dolomites saluda con plajei i ombolc
- La GJ dla SVP de Urtijei tol posizion
- Enconteda di ombolc ladins y di sourastanc dles provinzies
- Lites de comun 2005: i ombolc mess declaré sies intenzions
- Lege 482/99 - La Generala se muev
- Union Generela: stop a Bulsan con test integral dla lege 482/99
- Generela: enconteda con les autorités provinziales de Belun
- Abineda di ombolc ladins d'otober 2004
- La lege 482: an s'entardiveia
- Pensiers soura l'assemblea dla Generela
- Union di Ladins de Fascia: touta de posizion
L apel dl ombolt de Col Santa Lizia
- Comité interregional ladin - n comentar
- Intervista al ombolt de Col de Santa Lizia Paolo Frena
Consei di ombolc: intervista al ombolt de Santa Cristina, Bruno Senoner
- Intervista al ombolt de Fodom Gianni Pezzei
- Comentar: poester renunzieien enfinamai a la 482/99
- I ombolc de Cianacei y de Moena respon
-
-
- La lege 482/99 y i ladins tla provinzia de Bulsan
- Ressoluzion dla Union Generela di Ladins dles Dolomites
-
- La tripartizion, l'arpejon de Benito Mussolini: Bulsan, la lege 482/99 y l organism de coordinament
- Lege 482/99 - I ombolc ne se á mai tout la bria
- Enconteda Durnwalder-Generela: la verscion ofiziala
- Lege 482/99 - Trent meina do - Bulsan arfera
- L consei di ombolc - enfin a sen deguna convocazion ciamò
- Comité interregional ladin - n comentar - *** letura dret aconsieda
- Lege 482/99 - I ombolc ne se á mai tout la bria
- Intervista a Pepi Dejaco: n organism interregional: manco ombolc y plu esperc y dialetica
- Di dla Unité Ladina: unité combatuda
- Cianacei: Di dla Unité Ladina - La fana é sun l fuech
Di dla Unité Ladina: les prumes imprescions
- La relazion de Bepe Detomas
- Durnwalder á enconté dantenier l president De Bona de Belun
-
