Sparagné ite nò pro la familia, ma olache al vegn desmazé

Per l’educazion di mutons é l matrimone tres ciamò l miour model. Chi che relativeia l status dl matrimone, dà perchel en cont dla politica dla familia n segnal falé. La politica de nosta provinzia é cherdeda a s’impegné deplù per che ala ti vae ben a les families. Nos ne podon nia nes desmentié che al é ence te Südtirol families che viv al limit dla puerté y che à debujegn de vegnì daidedes. La minonga che ala ti vae chilò da nos a duc tant ben n’é assolutamenter nia veira y sfauza la realté. Enscì scriv l president dla LL, Giovanni Mischì, en cont dla ocurenza dl Dì dla Familia encuei.

La realté é ben n’autra: ti ultims agn s’à la prescion fiscala fat sentì sun les entredes dla familia tres deplù. Sce an pensa a l’introduzion dl ticket, a la couta sun la vedleza, spo ne n’é chestes dessegur ne nia mesures soziales a ben dles families, ma al contrar. La Lista LADINS apeleia perchel danuef al Govern provinzial da mudé chilò l curs y da sparagné te posć, olache i scioldi vegn sovenz sciurés fora zenza mesura y critere.