benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Intervista al president dla Lista LADINS Dr. Giovanni Mischì
scrit ai 13 May 2003 da les 17:09:43 da noeles

Politica  

 

 

"La Svp ne à nia plu debujegn de oujes! Sce sie candidat ne ruva nia ite, se l chérdei pue da defora"

 

 

Noeles.net: La sabeda da denant à la Svp confermé tla persona dl assessour Florian Mussner sie candidat sun la lista dla Svp, cie nen dijeise pa? Fova pa la enciaria da assessour preveduda sciche trampolin per les lites enlaouta canche chesta norma, la cherdeda da foradecà, fova vegnuda aproeda ence da la LL?

 

Dr. Giovanni Mischi: cie candidac che la Svp nomineia per les lites de chest auton é na chestion interna de partì te chela che i ne vue y ne pò nience me mescedé ite. Sce chest partì à dant da doi agn tout ite te jonta n assessour ladin passan soura l raprejentant ladin lité fora, é chest sté n vare, con chel che i ne pò nia ester a una. Jent se damana bel plan con rejon: ne vegn te n stat democratich i raprejentanc nia lités da la popolazion? Per cie é pa scenò les lites? Sce chest é l sistem per i agn che vegn, fajonse da d’auton miec da s’en sté a ciasa empede jì a lité. Y an mess i dè dret. Dal moment che la svp jirà plu dessegur ence endoman soura les lites fora, n’adórela nia plu oujes. Ala ne va perchel nia debujegn da engrassé su chest partì ciamò deplú! Mia conscidrazion: con n bon sostegn a la Lista LADINS ruvaràl te Consei provinzial danuef doi ladins. Chel lité y chel cherdè (!?) da la Svp. Avisa per chest rejonament n’à la Svp nia plu debujegn de oujes! Sce sie candidat ne ruva nia ite, se l chérdei pue da defora.

Che la cherdeda dl assessour é da empruma ca steda na “mossa” per ti tó l fle a la Lista LADINS à, arati ie,  ben duc capì. Demé che l cont n’é nia ju y ne jirà pa nience su...



L dilema per la LL resta, sce n candidat Svp ruva ite, spo àl dessegur ence l scagn da assessour, sce al ne ruva nia ite bonamenter ence, sce l resultat lital l permet, cie ves aspeteise pa vos per superé chest problem?

 

La Svp à entort la lege litala a na maniera che sce sie candidat ne ruva nia ite (cossa che é bele suzeduda tl ‘93 y tl ‘98) spo pàssen bel comot soura l resultat dles lites fora y l met empò ite (tres la cherdeda). N sistem chest che é dut auter che democratich. La verité é chela che n raprejentant politich ladin nia taché al „gran partì“ é lede y pò datrai ence s’empermete da dì cosses che n auter ne pò zenza nia fé. Y chest va debujegn a Bulsan, tres plu debujegn! Duc sà che zenza Lista LADINS fossa te chisc agn truepes cosses romagnudes sun troi o judes inant cotant plu plan o – valch iade ence tl vers falé. Ence chilò sta l’importanza de chesta forza politica autonoma. Y chest à la jent entratant capì. La Lista LADINS n’à assolutamenter nia contra n raprejentant ladin che fej pert dla Svp, dessegur ne nia, ma al mess respidlé la volenté litala dla jent. Da desplajei él demé che i ladins vegn tres endò touc ca y strumentalisés per consolidé posizions de podei.

 

 

Olà vedeise pa les desferenzies sostanziales danter LL y Svp Ladina?

 

La Lista LADINS é n partì dla jent ladina y pò organisé sia politica aldò de sies vijions y de si debujegns. Ala pò tó pert a les lites con na lista entiera de candidac y n’á nia bria da s’en lascé mete su un da Bulsan sciche al é suzedú con la cherdeda d’assessour. I ne podon nia desmentié che l assessour ladin (zenza avei valch contra sia persona) n’é nia vegnú metú da les does valedes Badia y Gherdeina, ma dal president dla Provinzia Durnwalder enstes. Y chest ne me sà a me nia valch de dret.

 

Ciunes é pa les arjontes dla LL che dess vegnì defenudes inant?

 

Les gran arjontes veidi ie tl fat che la Lista LADINS é te chisc ultims diesc agn steda bona da ti fé capì (per na pert almanco) a la gran politica de Südtirol che al esist ence n terz grup, i ladins. De chest àn, gen o mel, messú tó at. Mai ne n’él vegnú rejoné te Consei provinzial tant de chestions ladines che da canche al é vegnú su la Lista LADINS. Chest é n mirit che ence la Svp à bele deplú iadesc messú dé pro. Sce al é te valch organs y comiscions ti ultims agn ence vegnú fat lerch ai ladins, spo él davia che la Lista LADINS à mazé tan giut pro porta, enfin che an à messú daurì. Sce al vegnissa tl davegnì a mancé chesta forza politica, fossa chest dassen sciode. An tomessa zeruch de trueps agn. I spere perchel che i litadours sae da d’auton da onoré nost impegn y da reconesce l’importanza dl partì LADINS.

 

De gré per la intervista


 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 4.66
Oujes: 3


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Intervista al president dla Lista LADINS Dr. Giovanni Mischì (ponc: 1)
da Janpire ai 15 May 2003 da les 16:47:29
(Infos sun l utilisadour | Ti mané n messaje privat)
Degügn ne á valch cuntra la Svp todescia, mo la Svp ladina é begn sot vigni critica. Ara se lascia sciampé dötes les ocajiuns. Ara se trata segn por la Lista LADINS de rosedé la Svp Ladina y de ester era le der partner dla Svp te n raport nü dal defora y nia sotmetüda dal daite sciöche segn cun Valentin&Mussner&Regula Ladina & Co.. Porchel degöna Usc ala Svp (ladina) ....


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.388 seconc