benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

I assessours a la cultura ladins a consei
scrit ai 12 May 2003 da les 19:51:52 da noeles

Cultura

 

An met man de cialé soura les sieves de comun fora

Al Plan de Mareo. En vender, ai 9.05.2003, s’àl abiné te ciasa de Comun a Al Plan de Mareo i assessours a la cultura di cinch comuns dla Val Badia. La pruma enconteda de chesta sort é bele vegnuda tegnuda d’auton dl ann passé a Badia. Sun envit de Paul Videsott é spo en chest iade i assessours ruvés a Al Plan de Mareo, olache ai s’à enduné te Ciasa de Comun. Sun envit él ence ruvé adalerch doi raprejentanc da souramont, Sandra Agostini per Col y Paolo Delmonego per Fodom. L’enconteda n’é nia steda tl segn de na gran ofizialité, ma ala à abù l carater de na enconteda luecra, te chela che al é vegnù porté a discuscion deplú argomenc culturai che reverda la mendranza ladina en general y la Val Badia en particolar.



An á vedú che truepes chestions culturales podessa sovenz giaté na mioura soluzion, sce ales vegnissa portedes inant deberieda empede vignun per sie cont. Per cie che reverda Fodom y Ampez végnel vedù de bon uedl sce ai ruva bel plan ence ei a mete en pé n istitut ladin. Chest podessa dé n contribut concret per consolidé i contac anter les valedes y porté pro a cresce culturalmenter tres plu adum. Al é ence vegnù dit da mete a jì tl davegnì valch scomenciadiva deberieda. La proscima enconteda vegn fata d’auton a S. Martin de Tor.


 
Liams emparentés
· Deplú sun l tema Cultura
· Chier te noeles


L articul plu liet te chest tema Cultura:
Sotescrivede l Manifest LADINIA 2005!


Valutazion dl articul
Cumpeida mesana de oujes: 5
Oujes: 1


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.416 seconc