benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

L EPL envieia a
scrit ai 11 May 2003 da les 09:29:10 da noeles

Cultura

 

4 seires leterares, prejentazion di vencedours dl pest de poesia "Angelo Trebo"

Mei, meis d'aisciuda, meis dla poesia, meis dles floures. L'Epl (Ert por i Ladins dla Val Badia) envieia sot l titul "Floures de mei" a 4 seires leterares che vegnirà tegnides dutes cantes a Al Plan de Mareo tl Café Teresa, n post inconvenzional conesciù lonc y lerch per sia veina artistica-leterara. L prum envit é per en vender, ai 9 de mei, da les 20.30 a la prejentazion dl liber de poesies "A na coreta" de Paul Zardini che contegn poesies per ladin, todesch y talian. Al se trata dla cuarta publicazion de Zardini do "Albeggia il tramonto" (1984), "La tornedöra" (1994) y "Deboriada" (1998). La prejentazion dl autour y dl liber vegnirà  fata da Tresele Palfrader-Willeit, enstessa autoura. La seconda enconteda l'edema do, en vender, ai 16 de mei, tres da les 20.30, pont culminent sarà la sourandeda dl terz pest "Angelo Trebo"  (sun la foto a manciancia) y la proclamazion di vencedours de chest ann. Chest pest leterar é vegnù metù a jì per l prum iade dant da 6 agn y à abù scialdi suzes. Dantaldut àl animé autours joegn a scrive, gonot per l prum iade, poesies per ladin. L pest Angelo Trebo recorda l joen marou, mort premadur a 26 agn, con chel che al à scomencé tl secul passé la lirica ladina. Al ne fossa nia n melconsei sce i organisadours daurissa l concurs ti proscims agn a dutes les valedes ladines.

 

Sun les fotos da manciancia: Paul Zardini, Iaco Rigo, Bettina Galvagni y Elfriede Kehrer



Truepes poesies nueves é vegnudes publichedes, danter auter tl Calender Ladin, ence dé fora dal EPL. La presidenta dla juria é chest ann Roberta Dapunt. Les mioures composizions vegnirá samben endò publichedes.

En vender, ai 23 de mei, da les 20.30, ti tòchela a Iaco Rigo, president dl EPL y autour y ciantadour busient, da prejenté sie roman nuef dal titul "Anastasia o l'aurela dla vita". Al se trata de sie cuint roman.

En vender, ai 30 de mei 2003, da les 20.30, vegn la morona de seires leterares scluta ju da na preletura con does scritoures sudtiroleises de lingaz todesch: Bettina Galvagni y Elfriede Kehrer. Bettina Galvagni liejarà dant fora de sie roman nuef "Persona", vegnù fora dl 2002 y Elfriede Kehrer da la recoiuda de liriches "an riffen des lichtes", volum lirich publiché dl 2001. La seira vegn modereda da la jornalista Nina Schröder

 


 
Liams emparentés
· Deplú sun l tema Cultura
· Chier te noeles


L articul plu liet te chest tema Cultura:
Sotescrivede l Manifest LADINIA 2005!


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.448 seconc