benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Belun - les prumes lites do la lege cheder nazionala
scrit ai 05 May 2003 da les 12:29:15 da noeles

Politica

 

Te  n ann  ence la provinzia de Belun vegnirà clameda endò a jì a lité da nuef sie govern provinzial

de Lorenzo Soratroi

Al sarà les prumes lites do che al é vegnù aproé la lege cheder nazionala sun les mendranzes, do che l consei provinzial de Belun á definì ciugn che é i comuns ladins.  Al se deura spo la chestion de chi che sarà l raprejentant ladin tl  consei de palaz Piloni. Na chestion ciauda che ne manciarà dessegur nia de daurì discuscions nueves  anter les does "frazions" ladines ( ma nia ne dij che per na cariera te provinzia, ne se deurel nia ence de autres chestions de ciampanil te na realté conesciuda desferenta ). Dessegur él  demé che  per i ladins dla provinzia de Belun ne esìstel deguna istituzionalisazion de sie raprejntant tl consei provinzial, coche al suzed respetivamenter tles provinzies de Trent y Bulsan.



Chichemai che se prejentarà sciche portaousc dla mendranza l  fajarà demè a titul personal o percie che metù su “en pectore” da valgunes assoziazions ladines o partit che se sogarà la "cherta ladina" per giaté valch ousc emplù. Al vel da soula  la consciderazion che al sarà rie da vedei raprejenté i ladins a Belun y chest per trei motivazions. La pruma per na chestion storica y de fat anter les does realtés ladines. Al sarà rie che propi la politica ruve a na unificazion de intenc, canche la divijion  esisteia bele a livel cultural y de identité. La seconda per na chestion tecnica. I 38 comuns definis ladins ne viv nia te n colege lital unich. Na situazion che lieia endere adum ciamò n iade demè i trei comuns che da temp ova otegnù de ester adum te chel che oramai an pò conscidré l “colege ladin storich” dla provinzia de Belun (con dut chel che sta viadedò a chesta definizion ). La terza chestion é che al ne esist nia na frazion politica ladina ofiziala ( for che al ne vegne nia resuscité l'UALCAF ). Na chestion daverta spo, che se prestarà a mile interpretazions sun chel che a bon titul podarà se conscidré l raprejentant ladin. L’imprescion,y chela resta,  é de vedei che ence chest iade la soluzion sarà chela touta per l Istitut Cultural. (if)

 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 5
Oujes: 1


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Belun - les prumes elezions do la lege cheder nazionala (ponc: 1)
da giatfosch ai 05 May 2003 da les 14:21:32
(Infos sun l utilisadour | Ti mané n messaje privat)
avei n partì autonom, nia dependent dala maioranza, é l sintom tan che an é sot a ghirau. Les maioranzes ô se sotmeter les maioranzes politicamenter. I ladins da Soramunt mess fà l medem vare che i atri á bele fat: n partì politich autonom. Zenza éson mâ te na dependenza, te na sotmisciun.


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.431 seconc