Messa ladina tla gliejia de Freinademez a Miland
de Ivan Lezuo, l president
Sciche vigni ann ves envieia la Comunanza ladina de Bulsan a tò pert a la Santa Messa ladina. Davia che chest ann é l ann dla santificazion dl Beat Ujöp Freinademez, él na bela ocajion da jì a Miland olache la gliejia é propi dedicheda a el. Emplù él dailò sciche preve siour Vijo Pitscheider, n ladin, che é sté atira a una con la proposta de tegnì la Messa a Miland y al se à metù a desposizion a nes lieje la Santa Messa: en sabeda, ai 10 de mei, da les 16.00 tla gliejia de Miland.
L cor dles eles "Rezia" da La Val sot la direzion dla "Olga" ciantarà la Messa ladina scrita propi per chest cor dal prof. Franzl Comploi da La Val y sen organist tl Dom da Persenon y ensegnant al Mozarteum de Salzburg. El enstes sonarà l orghe.
Do Messa audel laprò sté adum n puech a s'la ciacolé pro valch da boculé.
I savon che a Persenon y entourn y su per Puster vìvel trueps ladins. Al vegn envié duc canc a tò pert a la festa en onour dl beat Ujöp. Per la ocajion organiseia la Comunanza de Bulsan na coriera che piarà via da Bulsan da les 14.45 dant la senta dla Comunanza tla streda Roen, 6. L viade é debant.(if)
