Touta de position dla Lista LADINS: - al vegn despartì ladins y cultura ladina
Plu de dann che de utl é deliberes che despartesc i ladins
Na conseguenza dla famousa delibera (che veid dantfora l’adoranza ofiziala demé dl badiot de mesaval y dl gherdeina) é chela che ence pro l prum concurs a pesc’ per operes leterares da pert dl assessorat a la cultura ladina, scrit fora dant da puech, végnel sclut fora laours che ne é nia te un de chisc doi idioms,ence sce de zitadins ladins dla provinzia.
Al vegn despartì ladins y cultura ladina, ma giust na mendranza à ciamò plu debujegn dla partezipazion de duc tla creazion y tla manifestazion de sia identité. Da n tel spediciament de lingaz y de grup él da se stravardé, ajache chest porta pro che ence les bones scomenciadives é a la fin plu de dann che de utl. (if)
articul dl 02-04-2003 : Dal assessorat: pruma edizion dl concurs a pesc'
