La liziteda dla region ne giata degun compradour. I comuns é les aministrazions reales, enscì la LL
Sce la region vegnissa liziteda, ne vegnìssela nia compreda, per cie che degugn ne savessa per cie che ala ogassa. La lege regionala sun les deleghes n’à dé degunes spligazions, piec, l sospet, che la region sie tl davegnì n ent publich strumentalisé da la politica, é sen maiour. Sce la region ne arà plu degunes funzions concretes, spo déssela vegnì touta ju. Sce l assessorat ladin dla region vegnirà mancioré dai assessorac provinziai, ne él de degun utl.
L trasferiment dles funzions aministratives é giustifichedes ence sce i istituc de credit, la cooperaziun y i registri imobiliars à debujegn da vegnì ampliés y passenés. L ent da deleghé é vegnù chirì fora a la bona. Tl sourandé les competenzes ne àn nia tegnì cont di comuns, che è les aministrazions reales, cheles plu damprò a la jent. La prozedura straordinara con chela che la lege é juda tres, desmostra mancianza de volenté y de capazité de ti tegnì bot a n confront politich davert, y ala é giuridicamdenter melsegura. (if)
