Temesc importanc vegn ignorés, demé na manifestazion de propaganda
L luech, la prejenza politica y l program ti dà n colour atipich, de stamp propagandistich a la manifestazion. Al é n “Di” che se muev fora dl cheder dles unions che à trueps agn alalongia tegnì su y mené inant l patrimone storich, cultural y ambiental di ladins, sovenz zenza l aiut y contra la volenté dl governament politich. Enscì encadreia la LL la manifestazion da endoman te n sie comunicat dè fora encuei.
Sce l tema cultura, natura y turism à duta sia valuta y atualité méssen empò se damané sce la Jonta provinziala y les istituzions ruva adum per sostegnì l lingaz ladin ofizial, sie slargiament y sia indenité, les strutures prinzipales dla cultura ladina, sciche la Cësa di Ladins, l svilup dla comunicazion anter i ladins ..., o sce an ruva adum per dì che dut é a post, che i ladins ne adora nia cie che i autri à bele da giut scialdi deplù, chesta la valutazion dla LL de chesta manifestazion organiseda dal assessorat ma de n sterch colour politich Svp.(if)
