La consulta culturala ladina à dé ju sie arat soura les domandes de contribuc
La consulta culturala per la mendranza ladina à dant da puech dé ju sie arat a les domandes de finanziamenc per iniziatives culturales. En dut á la consulta ejaminé plu avisa 133 domandes da pert de artisc' ladins, enc, unions y comités.
Diesc domandes reverda sostegns per artisc', 77 ativités culturales y 46 domades investimenc culturai. Al dess vegnì sostegnì iniziatives culturales desvalives p.ej.l cianté sun mont da Rina, la festa di 500 agn dla gliejia de S. Maria de Selva, produzions de teater inovatives, les edemes de mujiga " „Valgardena MUSIKA“, „Ladinia-Tour“ y e.i.. L assessour a la cultura ladina metará dant te una dles proscimes sentedes dla jonta na delibera per fé aproé chisc finanziamenc. Do la aprovazion dla jonta provinziala vegniràl fat la comunicazion a chi che à dé ju na domana y spo vegniràl paié fora n prum acont. (if)
