benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

N danmesdì de informazion per i paurs
scrit ai 04 April 2003 da les 14:16:18 da noeles

Economia

 

Les condizions per giaté contribuc dla Union Europea per i pres da ciasa, per i pres da mont, per mené tiers te mont 

 

Per duc i paurs dla Val Badia vegniràl tegnì en sabeda ai 12 de auril 2003 tl salf dles manifestazions a La Val, con scomenciament da les 10.00, n danmesdì de informazion persoura i contribuc de sovenzion per l’agricoltura y la sconanza dl ambient y dla natura. Deplù reladours dles repartizions dla provinzia y dl’Union di Paurs de Südtirol – Bauernbund jirà ite sun i contribuc odus dantfora da la Union Europeica y la Provinzia da Bulsan. Do i referac saràl la poscibelté de fé domandes. L Ofize Parcs Naturai dla Provinzia adum con l’Union di Paurs dla Val Badia envieia dantaldut i paurs, ma ence i autri proprietars de grunc y duc i interessés a tò pert.



Con l ann 1999 él pié via a livel europeich n program de sovenzions per l’agricoltura y l’ambient. Chest regolament conesciù sciche 1257 (ex 2078) contegn deplù sortes de contribuc: contribuc agroambientai (premies ambientales), contribuc per les costruzions rurales, contribuc de compensazion (paiamenc de avaliament) y e.i.

L danmesdì de informazion di 12 de auril a La Val tratarà dantaldut i contribuc agroambientai che à na gran emportanza per l raion dla Val Badia. Al vegnirà perchel porté dant les poscibeltés y les regoles per i contribuc per i pres da ciasa (premies per l vert agricul), per i pres da mont (premies per l mantegniment dla contreda), per conduje tiers te mont (premies per jì a mont) y per tegnì razes de tiers particolares.

Davia che les domandes messarà vegnì prejentedes y renovedes entratant l meis de mei, é chesta iniziativa propi te chest moment na bona ocajion per se informé sun les poscibeltés che un à y sun les regoles che mess vegnì tegnides ite sce an tol pert a chest program de sovenzion. I reladours che vegnirà adalerch da Bulsan laora pro les repartizions dla provinzia y pro l’Union di Paurs de Südtirol y se dà ju propi con l paiament de chisc contribuc.

 

Per vos rejonarà:

 

dot. Giampio Dell’Eva            Repartizion Agricoltura

dot. Joachim Mulser               Repartizion Natura y Contreda

dot. Umberto David                Repartizion Forestala

dipl. ing. Michael Crepaz        Union di Paurs Südtirol

 

Lingaz: todesch, anter i paurs é la terminologia plu conesciuda per todesch

 

L Ofize Parcs Naturai dla Provinzia, l’Union di Paurs dla Val Badia, les repartizions y ofizi competenc envieia duc a tò pert.

 

 

 

Informazions:

 

Gottfried Nagler

Ofize Parcs Naturai

Senta de servisc Val Badia

Tel. 0474-506120


 
Liams emparentés
· Deplú sun l tema Economia
· Chier te noeles


L articul plu liet te chest tema Economia:
Economia: Stude da comerzialist Verginer


Valutazion dl articul
Cumpeida mesana de oujes: 5
Oujes: 1


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: N danmesdì de informazion per i paurs (ponc: 1)
da travers ai 06 April 2003 da les 21:16:54
(Infos sun l utilisadour | Ti mané n messaje privat)
Na curiosité linguistica. Tl articul dessura pòn lì: "Lingaz: todesch, danter i paurs é la terminologia plu conesciuda por todesch".
Iö à dagnora miné che i bacagn sides chi che baia l ladin plö ladin, sëgn pél che ai adores ma plö la terminologia todëscia. Mo él i paurs che conësc miec la terminologia o la burocrazia di paurs? Tl foliet dl comun de Badia "L'eho" (ince chësta na espresciun todëscia") pòn lì plö iadi tl capitul "lizënzes da fabriché": "zopa dala cultüra cun vasca dala iauhe". Iö à dagnara aldì "buacia" mo magari nösc jogn burocrac conësc ma plö la terminologia ofiziala, sambëgn todëscia, dl Bauernbund.



Re: N danmesdì de informazion per i paurs (ponc: 1)
da tomescbornert ai 07 April 2003 da les 17:38:10
(Infos sun l utilisadour | Ti mané n messaje privat)
travers, no massa de travers...
le der problem di paurs n'é nia la terminologia linguistiga, mo begn la terminologia en terminns de €uro. Sciöche an i da trei € insciö ti nen tôlon 5 €. Tres plü paurs maza pro l'üsc de stala y va a se chirì val' ater laûr. A Balsan á le Bauernbund fat sö morz senta por sü funzionars y fedei de partí, por i paurs veri y propri ne romagnel che val'broscia. Chesta é la realté travers! Chiló fossl da mete le pe dla lovira y dé na bela agrada. dal'atra pert é i paurs instesc la guajia - plü co se lascé adurbé ne vara begn nia.... da bere tee da edlweiss ne varesc dessigü mai la maratia di paurs.


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.372 seconc