benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Dal assessorat: pruma edizion dl concurs a pesc'
scrit ai 02 April 2003 da les 15:55:41 da noeles

Cultura

 

Promozion de leteratura y studes

L Ofize cultura y scola ladina dla Provinzia Autonoma de Bulsan-Südtirol lascia al savei che al é vegnů bandě la pruma edizion dl concurs a pesc' "Autours ladins scriv …". L termin per mené ite i laours é enfin ai 30 de dezember 2003. Ala se trata de n pest per la realisazion de operes che ŕ da fé con l mond cultural ladin. Dutes les operes mess ester scrites per ladin de Gherdeina o dla Val Badia, y ne ester mai vegnudes publichedes. Les operes mess souraprň ester scrites a na maniera che ales ne adora degun intervent al fin dla publicazion. Dal concurs végnel sclut fora teses de laurea, traduzions y copies de operes bele publichedes te d’autri lingac. La bandida de chest concurs é vegnuda aproeda tla senteda dla Jonta Provinziala da en lunesc passé sun proposta dl assessour ladin Florian Mussner. Tla medema senteda él ence vegnů metů a desposizion i mesi finanziars per sostegně chest concurs. Comentar dla redazion al intern.



L concurs preveid does sezions:

  1. leteratura cunteda (romans, conties);
  2. essays (studes y enrescides te chisc ciamps: architetura, ert, archeologia, films, mujiga, teater, etnologia, sociologia y storia).

Al concurs pň tň pert persones singules o grups. Duc chi che tol pert mess avei complě i 18 agn. Per vigni sezion végnel nominé 3 vencedours. Chisc pň pié do chisc pesc':

  • prum pest 2.500,00 Euro con publicazion y promozion dl laour;
  • secont pest 1.500,00 Euro con publicazion y promozion dl laour;
  • terz pest 1.000,00 Euro con publicazion y promozion dl laour.

Presidenta dla giuria che ejamineia les operes é Brunamaria Dal Lago Veneri, scritoura, tradutoura, antropologa, colaboradoura de foliec' da vigni di y codejiei tl lingaz talian, todesch, ladin con articui de antropologia, critica leterara y teatrala. I autri componenc dla giuria é: Edi Crazzolara da La Ila, Luis Mahlknecht da Urtijei y Maria Cristina Senoner da S. Cristina. I laours mess vegně menés ite dant i 30 de dezember 2003. Informazions plu avisa dŕ l Ofize cultura y scola ladina al numer de telefon 0471/26 70 28 o 0471/41 55 00. Les informazions pň ence vegně dejciariedes ju da internet da la plata: www.provinz.bz.it/intendenza-ladina o damanedes tres e-mail a: katharina.tasser@schule.suedtirol.it .

Comentar dla redazion:

Iniziatives culturales é dagnora da laudé y aprijé, enscí ence chesta dl assessorat. Ma chela de lascé avalei demé i idioms dla Val Badia y Gherdeina, nes per dassen limitatif y reazionar. Te Sudtirol vível ladins de dutes 5 les valedes y storicamenter onse 5 idioms ladins, ultimamenter onse en plu ence la poscibelté de n lingaz scrit unitar, l ladin standard. La politica dl assessorat ne pň perchel nia vegně oduda de bon uedl, al contrar, davia che ala conduj a na "apartheid ladina" desplajoula y che ne ŕ deguna rejon de ester. Dutes les fontanes normatives importantes, statut de autonomia, leges statales y provinziales, ne rejona iniň de sotidioms ladins, ma dagnora de "ladin". Spidicé su a chesta maniera i ladins vuel dí endeblě l grup entier. Chest perel che sie l obietif. N auter particolar che i on enrescí: dla comiscion de valutazion fej pert valgugn "fedeliscims" dla Svp. L ex diretour dl Istitut Ladin, Craffonara Lois, che fova ence vegnů damané, ne ŕ nia plu volů tň pert. I envion bele sen eventuai partezipanc de ortié ite si laours te Ladin Standard y de combate a chesta mainiera l'impostazion dla "politica ladina ofiziala".

 


 
Liams emparentés
· Deplú sun l tema Cultura
· Chier te noeles


L articul plu liet te chest tema Cultura:
Sotescrivede l Manifest LADINIA 2005!


Valutazion dl articul
Cumpeida mesana de oujes: 3
Oujes: 2


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Dal assessorat: pruma edizion dl concurs a pesc' (ponc: 1)
da Dolasila ai 02 April 2003 da les 17:11:03
(Infos sun l utilisadour | Ti mané n messaje privat)
düt n funziun ales lites ...

y spo, ci raza de comisciun é pa na tara.
"LM" - ci sal pa de leteratöra? ciodí nia jent che capesc val, impede chi publizisc che i fej les beles a Mussner. Se recordun che LM â trat ca le "ahnenpass" cuntra n esponent di ladins ajache chesc â critiché la lege litala. Sön bun tru l'assessorat ladin, che tol dlunch i nemisc dl ladin che i ŕ l plü l senn ai ladins.



Re: Dal assessorat: pruma edizion dl concurs a pesc' (ponc: 1)
da travers ai 02 April 2003 da les 18:14:19
(Infos sun l utilisadour | Ti mané n messaje privat)
Le scandal dla delibera Mussner, che lascia ma avarëi tla aministraziun de Südtirol le gherdëna y le valbadiot, va inant y se slergia fora. Sce zacai ę ciamň bogn de chirě val spligaziun pratica tla delibera mëssun sëgn odëi che Mussner y sü fanc scrě dant l'adoranza di dui dialec gherdëna y badiot per n concurs de leteratüra "ladina". Da dagnora é la leteratüra gnüda conscidrada sciöche libera espresciun, dandadüt a livel linguistich, sëgn ňn ti mëte la ciavëza ince a chësta. Chilň ne sunse nia plö cis dalunc dalunc dala leteratüra staliniana ŕ la Zdanov: al mancia ma plö che an scris dant che le autur mëss zelebré i miric dl partě y de so assessur Mussner. I me damani ma sce i responsabli dl Ofize cultura y scola ladina da BZ- i savun düc canc chi che al é - ne se doda nia a se dč ca pur na te' zopa dala cultüra.



Re: Dal assessorat: pruma edizion dl concurs a pesc' (ponc: 1)
da travers ai 03 April 2003 da les 08:41:49
(Infos sun l utilisadour | Ti mané n messaje privat)
Mussner, assessour ala leteratüra badiota y gherdëna: "Ich will durch Leistung überzeugen".



Re: Dal assessorat: pruma edizion dl concurs a pesc' (ponc: 1)
da giatfosch ai 07 April 2003 da les 13:45:52
(Infos sun l utilisadour | Ti mané n messaje privat)
l assessorat anti-ladin ala defendöra dla tripartiziun fascista!


menede ite tesc fodoms, ô mo Mussner dě ch'al n'é nia ladin?




Re: Dal assessorat: pruma edizion dl concurs a pesc' (ponc: 1)
da tomescbornert ai 07 April 2003 da les 17:14:27
(Infos sun l utilisadour | Ti mané n messaje privat)
chesta dess ester politica culturala? chesta é politica cuntra la cultura y cuntra n svilup dla cultura. stimŕ assesseur, chesc va bel plan sura la mesura ora.



Re: Dal assessorat: pruma edizion dl concurs a pesc' (ponc: 1)
da tomescbornert ai 08 April 2003 da les 08:22:10
(Infos sun l utilisadour | Ti mané n messaje privat)
MUSNNER COPA BEL PLAN LE LINGAZ LADIN. LA POLITICA DA DESPARTÍ TRES DEPLÜ LES VALADES Y SÜ IDIOMS N'É NIA DA AZETÉ!!!! CHILÓ EL DA PIÉ A MAN VAL'!!


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.367 seconc