benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Di dla cultura ladina ai 11 de auril a Bulsan tl Hotel Laurin
scrit ai 01 April 2003 da les 20:01:14 da noeles

Manifestazions

 

"Di dla cultura ladina: Cultura, natura y turism" a Bulsan metú a jí dal ofize scola y cultura dl assessorat

Fin de chesta manifestazion, enscí i organisadours, é chel de ouje l’atenzion sun temesc de interes particolar per la mendranza ladina y ence foradecá per i autri grups linguistics. L argoment de chest ann é: "Cultura - Natura - Turism: n pont anter tradizion y davegnì". L raion dles Dolomites raprejenteia per la popolazion ladina na entreda economica emportanta sciche "fontana naturala". Chesta fontana mess endere vegnì  valuteda y mantegnida sciche al auda, tamben la particolarité linguistica y culturala dla popolazion ladina dess vegní sotrisseda, enscì i organisadours. Prumes critiches a la manifestazion, l vize-president dl Consei, dot. Carlo Willeit, ne é nia da giaté anter i enviés y reladours. La LL la valuteia na manifestazion de propaganda litala.



L'enduneda se tol dant de sclarì l liam strent dl raion cultural ladin con la identité culturala dla popolazion ladina. L'enduneda vegn tegnuda en vender, 11 de auril 2003 tl Hotel Laurin a Bulsan y à chest program:

Da les 9.30 scomenciament dla enduneda:  saluc y curta presentazion da pert dl diretour dla Repartizion cultura y Intendenza ladina, dot. Alfred Irsara.

Da les 9.45: saluc dl President dla Provinzia, dot. Luis Durnwalder, dl assessour per la cultura todescia, dot. Bruno Hosp, dl assessour per la cultura taliana, dot. Luigi Cigolla.

Da les 10.20 scomenciament di referac:

  • referat curt dl assessour dot. Florian Mussner: "Valorisazion de nosta cultura y de nost enciasa"
  • referat dl dot. Guido Venturini, diretour general dl "Touring Club Italiano: "Valorizzazione del patrimonio locale per lo sviluppo integrato del territorio"
  • referat dl dot. Chaspar Pult, romanist y manager cultural de Coira: "Die schönsten Berge der Welt - Gedanken zur kulturellen Identität"
  • referat dl dot. Hugo Valentin, president dl Istitut Cultural Ladin "Micurá de Rü" y bele assessour dl Govern provinzial: "Ladiner sein und Ladiner bleiben"

L'enduneda vegn acompagneda dal "Cuartet Göma" da la Val Badia che ciantará cianties ladines. (if)


 
Liams emparentés
· Deplú sun l tema Manifestazions
· Chier te noeles


L articul plu liet te chest tema Manifestazions:
Festa de benefizenza sun Mont de Pana, n gran suzes


Valutazion dl articul
Cumpeida mesana de oujes: 2.6
Oujes: 5


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Di dla cultura ladina - Bulsan - -11 auril 2003 (ponc: 1)
da Dolasila ai 01 April 2003 da les 20:38:03
(Infos sun l utilisadour | Ti mané n messaje privat)
sun al solito: propaganda de partì cun scioldi publics. Ciodì Mussner, ciodì cinamai Valentin, mo nia l rapresentant ladin lité? chel che á fat l plü pur la cultura ladina? Ciodí nia Ilda Pizzinini scemai?
Ideologia da golpe: l partì sorantol düt cant cun persones nia litades.

Roba da Medioevo.


Hugo Valentin y Florian Mussner: cuntarài pa ci dann che ei i fej ala cultura ladina?

no, al é ma n strument de
PROPAGANDA LITALA.




Re: Di dla cultura ladina ai 11 de auril a Bulsan tl Hotel Laurin (ponc: 1)
da giatfosch ai 01 April 2003 da les 21:13:45
(Infos sun l utilisadour | Ti mané n messaje privat)
anti-democrazia!
Mussner y Valentin desfej deboriada cultura ladina cun la dezijiun cuntra l ladin standard. spo fejai dis de cultura ladina pur fa propaganda litala a Mussner, con nüsc scioldi, eh.

Mussner, porté sön l scagn con mesi antidemocratics, laóra inant antidemocraticamenter.



Re: Di dla cultura ladina ai 11 de auril a Bulsan tl Hotel Laurin (ponc: 1)
da travers ai 01 April 2003 da les 21:24:22
(Infos sun l utilisadour | Ti mané n messaje privat)
Tla tematica "cultura, natüra, turism" paissenessa pordërt ince ite n ater ladin, L. Moroder, sciöche capo di verc. Sce i verc ladins ne à nia da dì sön chesta tematica spo pòn se damanè olà che ai é da ciasa. A odëi sce Moroder se lascia ad intëne?i



Re: Di dla cultura ladina ai 11 de auril a Bulsan tl Hotel Laurin (ponc: 1)
da Dolasila ai 01 April 2003 da les 21:30:49
(Infos sun l utilisadour | Ti mané n messaje privat)
propi insciö, ince Moroder. Mo chilò vegnel pö invié ma esponenc dla SVP, i atri ne po pö nia! Propaganda litala i dà lerch a un n partì su.

chesc é assolutism.







Re: Di dla cultura ladina ai 11 de auril a Bulsan tl Hotel Laurin (ponc: 1)
da travers ai 02 April 2003 da les 12:09:54
(Infos sun l utilisadour | Ti mané n messaje privat)
"L'enduneda se tol dant de sclarì l liam strent dl raion cultural ladin con la identité culturala dla popolazion ladina".
Na te' frasa à veramënter bujëgn de gnì stlarida, magari tl referat "Ladiner sein, Ladiner bleiben", n atra declamaziun tautologica che degügn ne sà cis ci fà impara mo che nostes autorités culturales seghitëia a proclamésciöche la quintessenza dla identité ladina.



Re: Di dla cultura ladina ai 11 de auril a Bulsan tl Hotel Laurin (ponc: 1)
da Dolasila ai 02 April 2003 da les 12:18:32
(Infos sun l utilisadour | Ti mané n messaje privat)
al é na ligna de cosses: rodunt chi che va l plü cuntra l ladin baia segn da gragn scichês dl ladin.

chilò àn spo ince n'eclujiun totala de düc chi che n'é nia tla ideologia dl partì de maioranza! ideologia assolutista, intoleranta.




News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.405 seconc