benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Prejentazion de does publicazions nueves
scrit ai 31 March 2003 da les 13:59:29 da feir

Cultura

 

"Breve storia della lingua e della letteratura ladina"  de W. Belardi y "Plurilinguismo e Scuola Ladina" de R. Verra

En mercui, ai 2 de auril, da les 17.00 végnel metù a jì a Persenon tla Faculté de Scienzes dla Formazion (str. Dante 4) la manifestazion "Lingua e società nell’area ladina", olache al vegnirà prejenté les does publicazions "Breve storia della lingua e della letteratura ladina" de Walter Belardi, 2a edizion, y "Plurilinguismo e Scuola Ladina" de Roland Verra. Belardi se à dai agn 50 dl secul passé interessé de chestions che reverda l lingaz y la cultura dla popolazion ladina entourn l Sela y à ence tout posizion sun l ladin standard ultimamenter.



L prof. Walter Belardi é conesciù tl mond ladin y foradecà per sies truepes publicazions y articui de linguistica. Al é sté professour de glotologia generala dal 1951 tl "Istituto Orientale" a Napoli, spo professour ordinar dal 1956 al 1998 tla Université de Roma, sen él professour fora de servisc tla Faculté de Letres y Filosofia tla Université de Roma "La Sapienza" . Al é member nazional dla Academia nazionala di Lincei.
Belardi se à dé ju per agn con la teoria de deplù disciplines linguistiches. Al à publiché studes soura l pensier filosofich grech antich entourn l lingaz (Platone, Arisotele, Stoics), soura l pensier di gramatics grecs y latins, soura i lingac classics, l’armen y i lingac iranians antics y medievai. Dai agn 50 dl secul passé s’òvel interessé de chestions che reverda l lingaz y la cultura dla popolazion ladina entourn l Sela. Anter sies publicazions te chest ciamp él l "Profilo storico-politico della lingua e della letteratura ladina" dé fora tl 1994. Deache chest liber é dret damané y apriejé dai letours, ti à l Istitut Ladin "Micurà de Rü" dè l’enciaria a Belardi de enjigné na seconda edizion ajorneda y plu curta. L liber- per talian- é n strument de conescenza dla storia dl lingaz y dla leteratura ladina, ence per chi foradecà. L liber contegn na enjonta de Marco Forni che rejona de aspec dla leteratura ladina dolomitica contemporanea. L autour dl vocabolar Tudesch-Ladin de Gherdeina mostra su che la produzion leterara y culturala da encuei é busienta y interessanta. Al recorda les revistes "Sckat" y "L Brunsin", l "circolo" (Lia Mostra de Ert) a Urtijei che tolova su movimenc artistics de avanguardia y ti lasciova lerch ence a la satira politica. La revista "Tras", che vegn fora dal 1994 vuel -con si contribuc plurilinguistics- jì soura i confins geografics y personai fora- sciche bele l titul dij.
Forni auza fora i "DIS de leteratura, teater, ert y mujiga" che vegn metus a jì vigni doi agn y é apriejés tres deplù dal publich. Al scriv spo dla "Lia Scritours Scurlins", na lia de scritours ladins y nia-ladins che à dé fora la publicazion leterara "Eghes - Movimenc tla leteratura ladina aldidancuei / Bewegungen in der ladinischen
Gegenwartsliteratur / Movimenti nella letteratura ladina contemporanea" y che à metù a jì ence performances teatrales. Plu inant végnel nominé l’ "Union Scritours Ladins Agacins" y i autours ladins plu conescius .
L’autra publicazion che vegnirà prejenteda en mercui a Persenon é l codejel de Roland Verra. L intendent dles scoles ladines descriv l svilup storich y la situazion atuala dl sistem scolastich paritetich dles valedes ladines dla provinzia de Bulsan. El mostra su te ciunes direzions che la scola pò jì y fej propostes de soluzion.


Al rejonarà Marco Forni, Leander Moroder, Theodor Rifesser, Roland Verra. L’organisazion é dl Istitut Ladin "Micurà de Rü", dl’Intendenza Scoles Ladines y dla Université Ledia de Bulsan.
(if)


 
Liams emparentés
· Deplú sun l tema Cultura
· Chier te feir


L articul plu liet te chest tema Cultura:
Sotescrivede l Manifest LADINIA 2005!


Valutazion dl articul
Cumpeida mesana de oujes: 3.5
Oujes: 2


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Presentazion de does publicazions nueves (ponc: 1)
da tomescbornert ai 01 April 2003 da les 14:12:05
(Infos sun l utilisadour | Ti mané n messaje privat)
L'Intendent dr. Roland Verra mirita gran respet pur süa produtivité editoriala. Al é dessigü öna dles porsones plü atives te chesc ciamp a livel dla Ladinia. Les istituziuns tocass pordert da valorisé deplü chesta porsona. Al intern dl'assessorat aldiss Verra da tó ite na posiziun-tlé. ... che le dr. Mussner se fejes val pinsier chilò lassura!



Re: Presentazion de does publicazions nueves (ponc: 1)
da travers ai 01 April 2003 da les 14:39:24
(Infos sun l utilisadour | Ti mané n messaje privat)
Ei, mo Verra é ince chël che ti à dé sia usc a la delibera anti ladin standard de Mussner tl consei d'istitut MdR. Donca na colaboraziun politica anter i doi esist.



Re: Presentazion de does publicazions nueves (ponc: 1)
da Janpire ai 01 April 2003 da les 17:18:11
(Infos sun l utilisadour | Ti mané n messaje privat)
Scé le Intendent R. Verra à dé pro le begnsté ala delibera de Mussner. Sciöche le Consei de aministraziun y la direziun dl Istitut che ne à nia salpü de prejenté valch de inovatif. Conseguenza: na gran perdita de credibilité.




Re: Presentazion de does publicazions nueves (ponc: 1)
da Jandaniel ai 01 April 2003 da les 21:19:07
(Infos sun l utilisadour | Ti mané n messaje privat)
Ince tla Consulta Ladina che partesc fora i contribuc culturai ... silentium .... canche ara se trata de uniuns che ne ti é nia ascüsa ala Svp. Ma l engajament de Willeit á salvé la situaziun



Re: Presentazion de does publicazions nueves (ponc: 1)
da Dolasila ai 01 April 2003 da les 22:18:40
(Infos sun l utilisadour | Ti mané n messaje privat)
sce, Verra é ince chel che va for cun Mussner fora por les scoles, che deida Mussner a fà propaganda litala cun scioldi publics. y che fej l di la scola ladina zenza invié Willeit. Invieia ma Mussner, mo nia Willeit. "Ein Mitläufer"




News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.435 seconc