benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Rumantsch Grischun sen ence tles scoles dla Val Müstair
scrit ai 30 March 2003 da les 15:38:42 da noeles

Grijon

 

"Valgugn mess fé l prum vare", l standard Rumantsch vegn ensegné d'engré via tles scoles

Do l distret scolastich dla Sutselva a Andeer, à sen ence la direzion dles scoles dla Val Müstair, la valeda rumancia outa devers la Val Venuest (Südtirol) tout la dezijion de introduje l Rumantsch Grischun (RG), confrontabel con l ladin standard (LS), sciche materia de ensegnament tles scoles. Mario Gross, l president dla CRVM (Corporazion  Regionala Val Müstair): "Duc i maestri y i capicomuns fova dla minonga che sce nos volon mantegní l rumanc, spo vala demé con l RG, aja che demé con n lingaz scrit unitar pòn comuniché saurí da la Val Müstair enfin tla Surselva; 5 idioms scric endeblesc a la fin duc".



N argoment contra l'introduzion dl RG te scola fova la tema che l idiom dla Val Müstair jissa a perde. De chesta minonga ne é degugn aldò de Grossi: "l jauer (enscí végnel clamé l idiom dla Val Müstair) vegnirà empò rejoné inant". La comunité de valeda dla Val Müstair à enscí dé lum verda al projet proponù da la Lia Rumantscha "Rumantsch Grischun en scola". 

 
Liams emparentés
· Deplú sun l tema Grijon
· Chier te noeles


L articul plu liet te chest tema Grijon:
Da la Quotidiana: buna acceptanza dal RG


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Rumantsch Grischun sen ence tles scoles dla Val Müstair (ponc: 1)
da travers ai 30 March 2003 da les 18:04:33
(Infos sun l utilisadour | Ti mané n messaje privat)
"Duc i maestri y i capicomuns fova dla minonga che sce nos volon mantegní l rumanc, spo vala demé con l RG, aja che demé con n lingaz scrit unitar pòn comuniché saurí da la Val Müstair enfin tla Surselva; 5 idioms scric endeblesc a la fin duc"

Cie nen dij pa l assessour a la cultura ladina, la SVP "ladina, l Intendent "ladin", l Istitut Pedagogich "Ladin", l istitut cultura "ladin" MdR, etc, etc. L intendent ladin ova dit publicamenter a la prejentazion dla "Gramatica dl ladin standard" che l ladin unifiché sarà, polester, per n'autra generazion y l cadidat da denant dla SVP "ladina" ova scrit sun na zaita che l ladin standard vegnirà a se l dé, pòlester, te trei generazions. Ie fosse corious, sciche trueps d'autri litadours ladins, cie che nes propon l candidat frësch dla SVP "ladina, F. Mussner. L badiot unitar (badiot de mesaval) o magari l Hochtaitsch?
I ti recordon al candidat assessour y si amisc superladins e Gherdeina che se tem de perde o de embastadé sia bela rujneda dla oma che i badioc - avisa sciche i fascians - scriv bele da n pez n badiot standardisé (embastardé?) y l ensegna finamai te scola con la aprovazion dles autorités scolastiches y politiches. Y cie marevueia, l badiot y l mareo é tres ciamò en vita y se porta finamai miec che l gherdeina. L savovaise vos membri dl istitut MdR y vos assessour canche i ovais aprové la delibera contra l ladin standard? Y l savovaise che "5 idioms scric endeblesc a la fin duc", ence l gherdeina y l badiot?
La generazion jeuna dla SVP de Gherdeina se à abiné per rejoné dl ladin standard: che ei sie vegnus adorbés sun la via de Damasco?



Re: Rumantsch Grischun sen ence tles scoles dla Val Müstair (ponc: 1)
da Jandaniel ai 30 March 2003 da les 18:17:04
(Infos sun l utilisadour | Ti mané n messaje privat)
Baudi onse istituzions "ladines" che se mirita tres demanco chesta caraterisazion .....
L Istitut Ladin MdR ne à deguna linia che tré ala longia dut .... ma al fova asvelt da ti dé l bensté a la delibera "Mussner"
L Istitut Pedagogich ne à ciamò fat net nia te chesta direzion, deguna proposta de nia ....
La Intendenza Ladina scouta ...



Re: Rumantsch Grischun sen ence tles scoles dla Val Müstair (ponc: 1)
da giatfosch ai 30 March 2003 da les 20:40:11
(Infos sun l utilisadour | Ti mané n messaje privat)
travers, chestes istituziuns da te nominades à dütes "die Hose runtergelassen". Na diziun nia eleganta, mo vei éra.



News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.379 seconc