benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Na manifestazion dla GJ-Gherdeina
scrit ai 21 March 2003 da les 14:32:02 da noeles

Manifestazions

 

I jeuni chier cunsei pra Edmund Dellago sun l ladin dolomitan

A la redazion ti él ruvé chest comunicat dla GJ de Gherdeina, sotescrit da Simon Moroder che reporton per entier: "La Generazion Jeuna envieia duc i jeuni de Gherdeina a na seira de nfurmazion y discuscion sun l Ladin Dolomitan. Do avei audí vel nfurmazions da pert de n espert, Edmund Dellago, uniral rujná y damandá la minonga di jeuni, cialan sce i miena chesta nueva rujneda ie de utl o no, sce i jeuni la uel, sce l fossa da pert di jeuni l nteres de la mparé o manco. Duc i jeuni ie nviei a uní a dí si minonga n merdi, 25 de merz, da mesa la nuef da seira tla Bar dl Hotel Genziana a Urtijei. La Generazion Jeuna se ncunforta de ve pudei saludé."




Comentar dla redazion:
I organisadours, la GJ de Gherdeina, benconesciuda per si comunicac entorc, ne vuel nia informé, ma condané, demé enscí pon se splighé che  l "espert" cherdé adalerch da la "Generazion joena" sie avisa un di majeri aversars dl ladin standard, ispiradour enlaouta dla "Regula ladina" y che rejonova for de "Kunstsprache". La zaita "Dolomiten" scrivessa te n tel caje de n "selbsternannter Experte". La "Generazion joena" de Gherdeina ne à perchel danz nia bria de se aspeté che na tel manifestazion vegne touta su sciche na cossa sceria. Te chest caje éssen messù envié de drec esperc che à loaré per l Spell o valch espert de linguistica. Sce chisc "jeuni" se essa tout dlaorela de jì al convegn soziolinguistich dl Spell a Urtijei éssei abù na bona ocajion de se informé sciche al toca. Nia empermel: sciche la "Regula ladina" enlaouta, se fejei scialdi ridicui con na tel impostazion anti ladin standard sie a livel local che provinzial.


 
Liams emparentés
· Deplú sun l tema Manifestazions
· Chier te noeles


L articul plu liet te chest tema Manifestazions:
Festa de benefizenza sun Mont de Pana, n gran suzes


Valutazion dl articul
Cumpeida mesana de oujes: 4.54
Oujes: 11


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Na manifestazion dla GJ gherdeina (ponc: 1)
da Dolasila ai 21 March 2003 da les 16:16:23
(Infos sun l utilisadour | Ti mané n messaje privat)
n nemich dl lingaz ladin, dla cultura ladina, dles rajuns di ladins.
la SVP/GJ de Gherdeina à fat n "atto di fede".



Re: Na manifestazion dla GJ gherdeina (ponc: 1)
da travers ai 21 March 2003 da les 17:15:20
(Infos sun l utilisadour | Ti mané n messaje privat)
Üna na cossa ti méssen reconësce ala JG de Gherdëna, che ala à fantasia. Nia a düc ti toméssel ite de mët l lu a splighé co che an dess vardé les biesces.



Re: Na manifestazion dla GJ gherdeina (ponc: 1)
da Dolasila ai 21 March 2003 da les 18:45:37
(Infos sun l utilisadour | Ti mané n messaje privat)
eh, coi esperc n'àn mai biaé,
mo spo van a n dô un che ne n'é espert gnanca n püch, gnanca n'ambria de competenza linguistica, che á dagnera mené te dötes les maltes cuntra la cultura ladina. dagnera cuntra i ladins. antiminoritar, antiladin. y espert de lingaz? sc'al é dagnera cuntra l ladin!
l louf che dess vardé les biesces.




Re: Na manifestazion dla GJ de Urtijei (ponc: 1)
da undegherdeina ai 22 March 2003 da les 19:51:13
(Infos sun l utilisadour | Ti mané n messaje privat)
Chei che á scrit chesc articul ne se á nia teut dlaurela de liejer l comunicat stampa (tl Alto Adige), ajache iló ne ie nia scrit zech de SVP de Gherdeina, ma ben SVP de Urtijei y firmá monc nia dala medema persona. Da ulá tol pa la redazion si nfurmazions? Ciuldí veniel pa bel rujná mel dan che la seira ie stata, se tem pa zachei de n autra minonga o povester monc dl auritá?



Re: Na manifestazion dla GJ gherdeina (ponc: 1)
da Dolasila ai 22 March 2003 da les 20:11:03
(Infos sun l utilisadour | Ti mané n messaje privat)
ma co, undegherdeina, co fejon da meter fora l Herr Dellago sciche espert dl Ladin standard? Al ne à degunes competenzes de chesc vers degunes! spo poi ince iö ji a fa n referat sun l'economia bancaria, per ejempl.
Tl medem temp che al tol en te "espert" saboteia ti partí l Ladin standard y ne damana nia i esperc: i linguiscy i colauradus dl spell.






Re: Na manifestazion dla GJ-Gherdeina (ponc: 1)
da Dolasila ai 22 March 2003 da les 20:48:32
(Infos sun l utilisadour | Ti mané n messaje privat)
chesta jent de chesc partì é dagnera stês cuntra l ladin, à fat na politica de assimilazion.



Re: Na manifestazion dla GJ (ponc: 1)
da undegherdeina ai 23 March 2003 da les 20:04:20
(Infos sun l utilisadour | Ti mané n messaje privat)
...co pa, Dolasila, co possesa tu di "ti partí"... de cie partit che ie son, sei pa ben ie, y no tu.
Ie son peró per nfurmazions tleres y dretes, no coche tlo desseura (cumededes, ma for mo nia avisa dretes). Me ei nfurmá da chei che sá! L comunicat stampa ie nia firmá da na persona singula, ma dala GJ de Urtijei (y no de Ghereina, chela n sei nianca sce l la dá)
Te deguna zaita fovl scrit l inuem dl espert, inió dal vel de scrit.
Pona mo zech, caro Dolasila, sce me chei che leura per l Spell y che giapa uni mens si busta paga ie i dre esperc, pona iela ben triste!



Re: Na manifestazion dla GJ-Gherdeina (ponc: 1)
da Dolasila ai 23 March 2003 da les 20:38:17
(Infos sun l utilisadour | Ti mané n messaje privat)
ara ne va nia de busta paga, mo de competenza. y che E.D. ne à net deguna competenza dl ladin standard é ben tler. Schuster, bleib bei deinen Leisten!
La linguistica ala linguistica, no ai plü sbilancês dla politica de partì.







Re: Na manifestazion dla GJ-Gherdeina (ponc: 1)
da tomescbornert ai 24 March 2003 da les 09:57:41
(Infos sun l utilisadour | Ti mané n messaje privat)
sce an o bele rujenè söl LS, desson porvé dal fé te na maniera obietiva y daverta. Ti ultimi diesc ani él stà deplü esperc che á lauré intensivamenter söla materia - ai á desmostrá gran dediziun, competenza y sinirité scientifica. la cualité y le livel dla sera d'informaziun che la SVP d'Urtijei met a jì odaran dai reladus y dai esperc che gnará consultá. Sce l'equipe dl Spell macia daldöt pro i reladus, pona san ci impostazion che la seira á. Stimada svp de urtijei, da chesta osta iniziativa podaran tra contlujions scialdi tleres en cont de vostes vijions cultureles. Metede averda!!


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.376 seconc