benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

N coretour ortografich a la leta de chi che scrivarà fascian
scrit ai 17 March 2003 da les 12:32:22 da noeles

Cultura

 

Plu saurì scrive per ladin

 

de Nadia Chiocchetti 

 

L nuef strument de laour é l frut de na colaborazion anter l Istitut Cultural Ladin de San Jan y l IRST de Trent scomenceda dant da cater agn tl cheder dl projet de modernisazion dl ladin envié via sibe a livel local te Fascia che souralocal tl SPELL y sostegnù ence dai Comuns dla val tres l C11, da la Region Trentin-Sudtirol y da la Comunité Europeica.



L coretour ortografich, realisé da la dotoura Sabrina Rasom y dal dotour Claudio Giuliano respetivamenter per la pert linguistica y per chela informatica, permet de abiné fora fai de ortografia y de propone soluzions alternatives per comedé la forma segnaleda sciche “faussa”. Al é basé sun l standard fascian y al permet ence de reconesce y, sce en cajo, baraté fora formes de d’autres variantes fascianes mucedes ite te n test. Dantfora él jù la informatisazion de n corpus de tesc’ fascians y dl DILF (Dizionèr talian fascian), da podei consulté sun l sit web http://www.tales.itc.it/, per ruvé sen a chesta pruma verscion dl coretour prejenteda y deda fora te na verscion sperimentala dantaldut a persones y a istituzions che bele sen scriv truep per ladin. Chestes daidarà segnalé incongruenzes o defec de sia compilazion y metarà adum ence dizionars personalisés setoriai con chi che an podarà smaioré la racoiuda lessicala a la leta enchin a sen. Al se trata de n prodot de gran emportanza che, enceben che te na verscion ciamò sperimentala, ne daida nia demé chi che scriv per ladin ma che porta pro a auzé nost lingaz devers di lingac maiours.Al fossa sen de gran utl sce chesta esperienza preziousa y dut l laour che ti é ju dantfora y chel che jirà ciamò debujegn per arjonje l obietif final de na verscion definitiva, vegnissa encadrés te n projet de politica linguistica general mené inant da duc i ladins, da enc, istituzions, sociazions y persones che vuel fé deventé ence l ladin n lingaz “normal” adoré tla Ladinia te dutes les situazions.

 
Liams emparentés
· Deplú sun l tema Cultura
· Chier te noeles


L articul plu liet te chest tema Cultura:
Sotescrivede l Manifest LADINIA 2005!


Valutazion dl articul
Cumpeida mesana de oujes: 5
Oujes: 3


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: N coretour ortografich a la leta de chi che scrivarà fascian (ponc: 1)
da Dolasila ai 17 March 2003 da les 12:50:01
(Infos sun l utilisadour | Ti mané n messaje privat)
dertan che l IL de San Martin va inant zenza idees y zenza curaji de proiec de cualité, mostra Fascia co ch'an po fà.



Re: N coretour ortografich a la leta de chi che scrivarà fascian (ponc: 1)
da travers ai 17 March 2003 da les 14:59:17
(Infos sun l utilisadour | Ti mané n messaje privat)
Avisa enscì éla.
L istitut cultural de Fascia à na strategia linguistica-culturala che al mena inant da agn y che reverda tamben l fascian che l ladin standard (alfabestisazion, standardisazion, informatisazion, creazion de resurses y de tools). L coretour ortografich, che vegn sperimenté sen na outa per l fascian, vegnirà svilupé inant ence per l ladin standard tl cheder de SPELL. Al al se trata de na massaria che ti tolarà a trueps la pesima de scrive per ladin; donca n vare emportant per l'adoranza dl lingaz.
Cie fej pa entratant l istitut MdR? Degugn ne sà cis cie che al frateneia adum ma duc sa che al à daidé sofoié l ladin standard con sie arat sun la delibera Mussner.


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.505 seconc