benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Lites provinziales 2003 - Lista LADINS
scrit ai 13 March 2003 da les 15:21:00 da noeles

Politica

 

Carlo Willeit y Giovanni Mischì dantfora sun lista

Te na intervista encuei (13.03.2003) al foliet dal dì "Die Tageszeitung" à l president dla LL, Giovanni Mischì, confermé che Carlo Willeit, da does legislatures raprejentant per i Ladins tl consei, jirà endò sun lista, tamben el enstes. Enscì àl dementì vigni speculazion che Carlo Willeit s'un desdijessa chest iade.  Confermé à Mischì ence che la LL candidarà autonomamenter zenza coliament con n'autra lista. Dl 1998 ova la LL messù se lié a la DPS per despassé l lim lital, metù dant da la lege litala.



 Chest impediment é sen demez per merit dla sentenza n. 356/98 dla Court Costituzionala che la à declareda danousa per i ladins y incostituzioinala. L ultim iade ova la LL giaté apresciapuech 6.000 oujes de lista y chestes ràtela de giaté endò. Mischì enconda dantfora ence n valgugn candidac nuefs. La lerch ne mancia nia, sun lista àl lerch enfin a 35 candidac/candidates.
Per cie che reverda la chestion dl assessour ladin cherdé da foradecà, à la LL messù constaté con desplajei che  la cherdeda de Florian Mussner é vegnuda fata zenza consens dla raprejentanza legitimeda tl Consei. Chest à dal scomenciament inant prevegnì na colaborazion costrutiva. Piec, Mussner ne à mai chirì contat con la LL. Sen va Florian Mussner con la venta da assessour tles lites contra la LL, na cossa che ne ti va dut entourn nia a scusa. L assessour ladin messessa  avei na legitimazion democratica.
Sun la domanda dla "Tageszeitung" sce la desmeneda entourn la "Cesa di Ladins y bilanz provinzial" ti é sté de utl, respònel "zenzauter, la LL à abù na ligna clera, ala à sciolé su la chestion entratant la debata dl bilanz de previjion dla provinzia. Ala se à damané n contribut provinzial per la derturazion, zenza che la Union di Ladins de Gherdeina messe dè ju na pert dla puscion".

 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 5
Oujes: 2


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Lites provinziales 2003 - Lista LADINS (ponc: 1)
da tomescbornert ai 14 March 2003 da les 08:49:56
(Infos sun l utilisadour | Ti mané n messaje privat)
le gran impegn y le laur fat te chisc diesc agn dala LL met man da portè früc... ma col sostegn dla popolaziun podará chesta forza politica lauré inant ince ti agn che vegn. La LL mirita porchel da d'altonn DÖT NOSC SOSTEGN!!


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.363 seconc