benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Enconteda LL - Svp - demé cosses generales
scrit ai 11 March 2003 da les 16:31:44 da noeles

Politica

 


I envic é vegnus "desmentiés" y sen é les lites dant porta


Enier, lunesc 10.03.03, é ruveda adum da les 14.00 a Bulsan na delegazion dla Lista LADINS, Giovanni Mischì, president dla LL y Carlo Willeit, vizepresident dl Consei provinzial, con i esponenc dla Svp Ladina Pepi Dejaco, vizesourastant dla Svp y Florian Mussner, assessour ladin. Te chesta ocajion él vegnù portè a discuscion deplù argomenc d’interès dl grup ladin. Fora dles conscidrazions y valutazions plu generales, àn empò ence volù ejaminé plu a fonz valch chestion singolara sciche: indenité de trilinguism, p.ej. per l personal ladin dles Unités Sanitares, Cesa di Ladins, proporz fora dles valedes, université. Sun valch pont él da osservè n avijinament dles idees y dles posizions. Ma concretamenter dij Mussner che al mess empermò valuté les cosses plu sot con sie partì y i assessours interessés. Per jì inant con encontedes plu regolares y per traté tematiches plu complesses y de na majera porteda él vegnù dit che i temps é, a oramai 7 meisc dant les lites, massa curc.



I reporton ence la resposta dl president dla LL Mischì a Mussner en cont di envic y de sia touta de posizion:

 

Les esternazions dl dr. Florian Mussner ti confronc dla Lista LADINS tl articul “Sfauzà la urità, USC di 8.03.93, ne po nia resté zenza na resposta, chest tant demanco, aja che l sign. Mussner sa avisa coche les cosses sta en realté. Chisc i fac: bele ai 18 de fauré 2001 ti à la Lista LADINS scrit al dr.  Mussner y a la SVP, damanan che la cherdeda de n assessour da defora vegnissa concordeda con duc i interessés, danter auter ence con l rapresentant ladin lité. La Lista LADINS ne giata deguna resposta.

De fauré dl 2002 á Mussner giatè n invit da la Lista LADINS per ruvé adum a rejoné sun la lege dl referendum che vegniva trateda te Consei provinzial. La Lista LADINS ne giata deguna resposta. Le termin fissé per na enconteda sun Frera ai 20 de messel 2002, vegn desdit dal dr. Mussner l dì denant y, sceben che al à empermetù (!) da l recuperè ti proscims diesc dis, vegnel desmentié…

Ai 09.01.03 giata l dr. Mussner endò posta da la Lista LADINS, en invit scrit a s’encontè per valuté deberieda chestions d’interès ladin. Ai 19 de fauré 2003 rùvel spo na telefoneda da pert dl dr. Mussner, olache al dij (enchina a proa contrara!!) che “na enconteda ne vuel el nia fé”. La Lista LADINS damana do na resposta scrita; chesta n’è enfin encuei nia ruveda. Deplù foliec (FF, Alto Adige, Usc) sighita a damanè do sce l’enconteda con Mussner vegn a s’al dè o nia. Al vegn responù che la Svp y Mussner ne vuel nia. La notizia fej la roda te foliec y mass-media. Permò do che i media à reporté la notizia dla nia-desponibelté a rejoné, à l dr. Mussner fissé n termin. Chest dà dr. Mussner enstes pro: „nce sce me mpënse che chësc [l’articul “Mussner non vuole incontrarci” gnü fora tl Alto Adige” …y n valgügn dis plü tert tla USC] pudessa vester unì scrit n basa a Vosc comunicat bele dan che nëus on fat ora l terminn”. Avisa chest él suzedù! I fac desmostra  perchel cler (y l dr. Mussner dij do permez ence de l’odei ite) che al n’è te chest caje da pert dla Lista LADINS mai sté l’intenzion da jì tla stampa cun “meses verités o informaziuns faledes”. Ma una na cossa tegn la Lista LADINS te chesta ocajion empò da auzé fora: che la Svp ladina à adorè oramai doi agn per dé na resposta clera a la desponibelté de na enconteda con la Lista LADINS é y resta a vigni maniera rie da giustifiché.

 

Giovanni Mischì

President Lista LADINS


 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 5
Oujes: 1


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Enconteda LL - Svp - demé cosses generales (ponc: 1)
da travers ai 11 March 2003 da les 18:32:25
(Infos sun l utilisadour | Ti mané n messaje privat)
Donca ne enconteda per nia ... o per podei bravé che la SVP rejona con duc, ence con la LL. Sce zachei se fajova ciamò ilujions de podei dialoghé con la SVP "ladina" messéssei sen capì cie che ai à da fé: se enjigné ca per la vera tl Iraq.


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.368 seconc