benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Martin Graf: autodeterminazion per Sudtirol
scrit ai 29 July 2009 da les 14:51:11 da noeles

Politica

Ladins Dolomites: no talians y nience todesc

Touta de posizion dl president de Ladins Dolomites en cont dla proposta de autodeterminazion porteda dant da Martin Graf

La proposta fata en chisc dis da Martin Graf (FPÖ), terz president dl consei nazional dl'Austria, de n referendum per l’autodeterminazion te Sudtirol, vuel dì la anescion a l'Austria, à scassé sotissoura la politica te Sudtirol. Al en é de chi che ti ciala a la proposta con gran simpatia, sciche la "Union " o i "Freiheitlichen", chi che mess se tegnì dancialà per rejons politiches y de chi che ala ne ti desplej nia, p.ej. a la SVP. La proposta de Graf ti dà samben flé nuef ai partis todesc che scombat da tres per l'autodeterminazion, Schuetzen scluc ite. A man ciancia Martin Graf (FPÖ), a man dreta Albert Pizzinini, president de Ladins Dolomites
 



Te duta chesta discuscion é vegnus lascés fora i ladins, se baudia l president de LADINS DOLOMITES, Albert Pizzinini. Al é n fat che l stat talian ne à mai abù cis truep dessourora per i ladins, unfat sot a cie govern. Al basta pensé a la tripartizion aministrativa dutaorela en pé y con efec giuridics griefs: da degun reconesciment (tl Venet) pàssen a "valgamia" reconesciment tla region Trentin-Sudtirol, en particolar tla provinzia de Bulsan, n spidiciament fatal per na picera mendranza, na ferida che "sangoneia" dal 1918. La lege nazionala sun les mendranzes, la 482/99 (la pruma!!), é entratant vegnuda desvuededa di mesi finanziars y é perchel doprò a deventé na scuscia (crosa) doia.
"Al và debujegn da dì che l tema dla autodeterminazion ne é nia n tema atual, ma al deura problematiches de nia puech cont. An veid cleramenter che te n tel caje messessa i ladins ti jì do a chela che é la maioranza al intern de Sudtirol, ence, sce poester te sie intern ne voléssei nia", dij Albert Pizzinini, enjontan che "Chest desmostra sciche i ladins adora na autonomia dezijionala per ci che reverda les problematiches che reverda ence i ladins a na moda che ai ne vegne nia sforzés da messei ti jì do a la maioranza todescia. Chilò vuelel ester na mudazion dl statut de autonomia che auze fora la posizion ladina y ti dae ai ladins plu derc da se gestì enstes. I ladins ne é nia talians y nience todesc."

 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 5
Oujes: 3


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Martin Graf: autodeterminazion per Sudtirol (ponc: 1)
da marco ai 29 July 2009 da les 20:36:55
(Infos sun l utilisadour | Ti mané n messaje privat)
Martin Graf á dit na cosa daldöt normala: l´autodeterminaziun é en dert de düc i popui, ince dla popolaziun de Südtirol y ladins alda samben lapró, samben ince chi da Soramunt. Al é rio da capí les reaziuns esagerades de trec politics locai, co salta spo por le plü picio problem a Viena a s´la plüré. Nosta autonomia des ester la miú da monn, mo empó vegn era gonôt atacada dai partis de man derta taliagn, co baia de privilegs co ne s´aspeta nia! Porchél é l´autodeterminaziun en dert co ne des nia gni desmoncé.
Te en contest europeich é l´autodeterminaziun sogü superada, mo sce al ven baié de na Europa dles regiuns, spo arati che te en Tirol reunifiché el lerch por todesc, ladins y taliagn.


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.389 seconc