benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Université sezion ladina Persenon: program da d'auton-invern 09-2010
scrit ai 23 July 2009 da les 15:06:46 da noeles

Cultura

Leteratura ladina te nosc temps

Cursc opzionai dla Repartizion ladina tl semester auton-invern 2009-2010 - Tema leteratura

Tl semester da d’invern 2009-10 pieta la Repartizion Ladina dla Facolté de Scienzes dla Formazion dla Université Ledia da Bulsan doi cursc opzionai, che pò vegnì frecuentés da interessés desche “student ghest”. Ai maestri ti végnel reconesciù i cursc sciche formazion tla mesura de 10 ores l un. L tema sarà "Movimenc y tendenzes tla leteratura ladina d'aldidancuei" . L professour dr. Paul Videsott, dla sezion ladina dl'université a Persenon, à endò enjigné ca n program bendebot enteressant. 
 



Movimenc y tendenzes tla leteratura ladina d’aldidancuei (Codesc 13025)
Co stàla pa veramenter con la leteratura ladina de nosc temps? De cie tràtela pa? Cie tendenzes y prospetives pòn pa se vedei fora en chest cont? Cie posizion tol pa ite la leteratura ladina y si autours te nosta sozieté d’aldidancuei? Co pòn pa valuté nosta leteratura en confront a cheles vejines?
A chesta y d’autres domandes provarà Roland Verra,  Intendent dles Scoles y autour de plu operes leterares ladines y che à enstes bele enrescì te plu essays y publicazions sun chisc fenomens, de respone.
L argoment é de gran emportanza per i ensegnanc de ladin de dutes les scoles, davia che te chest ciamp ne n’él ciamò nia truepes publicazions da garat y l fossa bon avei referimenc atuai per l ensegnament dl ladin y de si operes leterares dantaldut tratant les ores de ladin te scola.
Les ores de lezion é vegnudes conzentredes te endut ot domesdis, propi per ti dé la ocajion ai ensegnanc de tò pert.
Tratant les lezions vegniràl ence laoré sun ejempli concrec de operes de autours ladins da sen, fajan na analisa critica testuala y chirian interpretazions a la lum dles tendenzes atuales dla cultura te nost raion y foradecà. L program tl menù :
 
Tema leteratura ladina de encuei
Data Orar Tema
Venders, 09/10/2009 14.00- 18.00 Cheder general dla leteratura ladina-problematiches de na leteratura de mendranza
Venders, 23/10/2009 14.00 -18.00 Les tematiches « tradizionales » dla leteratura ladina : lingaz, mit, enciasa-ejempli
Venders, 06/11/2009 14.00- 18.00 L renovament leterar di agn do la segonda gran vera : da Max Tosi a Luciano Jellici del Garber
Venders, 20/11/2009 14.00- 18.00 I movimenc de contestazion dl ’68 y sia fazion tla Ladinia-revistes leterares y culturales- azionism y protest
Venders, 04/12/2009 14.00- 18.00 La elaborazion de n canon leterar ladin- dal localism a la globalisazion- dala poetica dla « pitla patria » al « universal »
Venders, 18/12/2009 14.00- 18.00 Interpretazion y critica de tesć emblematics de poesia, prosa y teater ladin d’aldidancuei
Venders, 08/01/2010 14.00- 18.00
Tematiches nueves di ultims agn : dal empegn sozial al individualism- tendenzes joeniles

Informazions plu avisa sun vigni curs sciche ence sun i termins pòn ciafé dal prof. Paul Videsott (paul.videsott@unibz.it). L ultim termin per se scrive ite é i 30 de setember 2009.


 
Liams emparentés
· Deplú sun l tema Cultura
· Chier te noeles


L articul plu liet te chest tema Cultura:
Sotescrivede l Manifest LADINIA 2005!


Valutazion dl articul
Cumpeida mesana de oujes: 5
Oujes: 3


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Université sezion ladina Persenon: program da d'auton-invern 09-2010 (ponc: 1)
da AlbertPizzinini ai 24 July 2009 da les 23:41:05
(Infos sun l utilisadour | Ti mané n messaje privat)
Paul dagnara de gran bi programs!

Albert


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.456 seconc