benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Joufs dolomitans a paiament: LADINS DOLOMITES dij nò
scrit ai 21 July 2009 da les 18:18:44 da noeles

Politica

Joufs dolomitans a paiament: ram de rejia

Florian Mussner à dé dant na data: la sajon da d'isté 2010 - Pizzinini: la provinzia dess realisé n tunel anter Gherdeina y Val Badia 

Image Hosting by PictureTrail.com Image Hosting by PictureTrail.comI joufs dolomitans a paiament deventa ram de rejia. I operadours turistics sun i joufs se pararà con piesc y con mans decontra, ence legalmenter. Florian Mussner à bele dé dant na data per i joufs de Frera y dl Sela, a meteman con la sajon da d'isté 2010. Particolars ne conéscen nia ciamò avisa, ma la transiadura podessa ester ciaradousa, enfin a 13 euro. Tla chestion se à entratant fat audì Reinhold Messner che se dij a una con na scluta di joufs al trafich di auti, ma da l'autra pert se à belavisa el desmostré dassen ribicious che l comun de Bulsan vuel desmendrì les plazes da parché dlongia sie museum a Sigmundskron. Ilò dess la jent inant ruvé permez saurì con l auto. Tla chestion tol ence endò posizion LADINS DOLOMITES che se dij dassen contrar a na scluta. Albert Pizzinini propon de fé finalmenter l tunel, na proposta vedla desche l cuch, bele Hugo Valentin l ova prononù, ma dutaorela atuala aladò de Pizzinini. Image Hosting by PictureTrail.com


N tunel sot a jouf de Frera anter Gherdeina y Val Badia per sconé i joufs? Avis ai letours: i articui amarscés con l logo de Youtube contegn filmac.

Albert Pizzinini, president de LADINS DOLOMITES. "L’idea de Florian Mussner de mete n daz sun i joufs de Sela y Frera dal 2010 é faleda, ne portarà nia a n miorament dla situazion y é en plu n at de aroganza ti confronc di ladins y de si aministradours locai. Al é cler che chestes dezijions mess vegnì toutes sun l post da pert dla jent che é plu enteresseda. Tl stil SVP stà do la chestion dl daz sun i joufs fin dopl che é chel de ne messei nia plu realisé la dejouta de Selva, perauter de uega independentamenter da dut."
Pizzinini fej n valgunes propostes, ma tochés dess ester demé l setour turistich: "Per mioré la situazion él deplù poscibeltés. An peia eventualmenter via da la scluta di joufs per n valgunes ores al dì per l turism. Cler déssel ester dampertfora che chesta ne reverda nia la jent dl post che messarà podei passé tresfora. An pò ence pensé ti meisc da d’invern de laoré stadiran anter sabeda y domenia la muda di sciors. N’autra soluzion é chela de favorì l anuzament di mesi publics da pert dl turist. Al turist méssel ti convegnì da tò l autobus plutost che sie auto. Dutes chestes soluzions pò vegnì provedes fora ciafan la dreta mesceida zenza ti fé dann a degugn."
Sce an vuel bele saré les stredes sun i joufs propon Albert Pizzinini de pié ite l problem a les raijes: "La scluta temporara resta per sia natura demé na mesura de alistament che ne và perdret nia tla raisc dl problem che é chela de sconé i joufs che ne pò nia deventé autostredes, ma da l'autra pert à la politica l dovei de garantì la viabelté y l coliament te vigni sajon anter les valedes ladines." Per arjonje veid Pizzinini na soluzion soula, chela de n tuniei de coliament; per Gherdeina y Badia p.ej. n tunel sot Frera fora. Chest permetessa anter l auter la zircolazion anter les does valedes ence d’invern olà che massa gonot é l viade da Selva a Calfosch plu sfadious che ruvé da Selva enfin a Trent, sce an mess fé la outa soura Persenon. Cossa nia da creie tl 21. secul!" Demé La realisazion de n tel projet permetessa de lascé i joufs ledesc per jì a pé anuzan i implanc portamont o i despassé via jian con la roda, garantian a chesta moda, conscidran l enteres tres majer per les rodes, la poscibelté de arlongé la sajon da d’isté. Demé a chesta maniera pòn ence arjonje vantajes clers a livel ambiental."

 

No a la scluta di joufs, no a n daz
Ressoluzion deda pro en gaujion dla reunion generala dl Moviment Politich Ladins ai 26 de november 2005 a Selva
Joufs dolomitans daverc dut l ann y zenza daz
Entourn a la protesta contra na scluta o n pedaje sun i joufs se àl formé n comité interladin che abina adum ostiers, boteghiers y eserzizes turistics de dutes les cinch valedes

Degun daz sun i joufs dolomitans n iade empruma déssel vegnì mioré les stredes te na colaborazion soura i confins fora

I joufs dolomitans lieia dantaldut les valedes - L plan dla Svp ne tegn net nia cont che i joufs é les vies prinzipales anter les valedes ladines - Contac interladins a paiament tl davegní? 

N daz sun i joufs: chi che vuel chestes sieves vuel desfé les relazions anter i ladins. I joufs dles Dolomites ne pòn nia mete a la pèr de n Stilfserjoch y de n Timmelsjoch

Ejempl Maratona dles Dolomites: laudeda tla Val Badia, desprijeda ta Fodom - I Fodoms à dit nò a scluje i joufs per manifestazions ziclistiches soura i joufs entourn l Sela desche raprejentanc de Badia y de Gherdeina volessa

Duc a una contra n daz sun i joufs
Lista LADINS ence a una de sostegnì n referendum per cie che reverda n daz sun i joufs dolomitics
La gran fuera di motors su per i joufs
Michil Costa: i joreie, i ne paiaré
MAI n daz sun i joufs
N moviment per se stravardé da la scluta di joufs damana dialogh. La chestion dla scluta di joufs deventa tres plu viva

Plan Urbanistich Provinzial - La UAL à dit la sia - Mete sot a sconanza l raion de Ciadenac, viventé l laour da paur y l problem dl transiament

 

"Transdolomites" propon mesi alternatifs
Convegn sun l trafich tegnù ai 20 de otober a Vich de Fascia - Esposizion: Glaciers sot a viere - Deplù servisc de trasport publics

 


 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 4.5
Oujes: 6


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Joufs dolomitans a paiament: LADINS DOLOMITES dij nò (ponc: 1)
da medo ai 21 July 2009 da les 20:57:11
(Infos sun l utilisadour | Ti mané n messaje privat)
Le tunel anter Corvara / Colfosch y la Val Gardena foss la miú soluziun - la sora co podess porté a öna i ambientalisc y i hoteliers (chi co ne laora nia sön le ju). Ci soluziuns vegn pa pitades por i hoteliers co á fat sö söa fortüna sön le ju? Co ponsun pa da sconé cöstes families? Edl en plan?



Re: Joufs dolomitans a paiament: LADINS DOLOMITES dij nò (ponc: 1)
da Claudio ai 21 July 2009 da les 22:43:18
(Infos sun l utilisadour | Ti mané n messaje privat)
Aladò de mia minonga ne à, sce i é capì endretura, LADINS DOLOMITES, nia na posizion clera. Da una na pert éla per na scluta parziala o per i sciors. Da l'autra pert da tegnì davertes les stres per la jent dl post. Che chest ne và nia adum él cler, ajache al ne sarà nia poscibel definì jent dl post, di comuns vejins, de duta la valeda, de duta la provinzia ....??? l ejempl dl Timmelsjoch desmostra che al ne vegn fat degunes ezezions.
Do mia minonga végnel ence pesé massa puech sun l argoment che les stredes lieia adum les valedes ladines entourn al Sela y donca ne pòn nia les scluje. LADINS DOLOMITES dess ence rejoné con i operadours turistics sun i joufs. Con de beles paroles ne rùven nia inant. I ostiers sun i joufs viv ence dl turism de passaje, sce ai ne storj nia pro te una na utia, spo tla proscima. Ai ne viv nia de sciors che stà souranuet, Pizzinini messessa l savei.
Ciamò n auter aspet: les rodes. La Maratona dles Dolomites ne é nia na manifestazion ambientala. Per ruvé sun i joufs végnel adalerch, dalonc adalerch, milesc de auto y bus (vedù con mi uedli), che ajieia l ambient cotant deplù l enfin a che ai ruva adalerch, che sce ai se en stessa a ciasa a jì con la roda. Al è demé n marketing turistich y nia deplù, ma an mess ence avei la onesté de l clamé enscì.



Re: Joufs dolomitans a paiament: LADINS DOLOMITES dij nò (ponc: 1)
da Jandaniel ai 22 July 2009 da les 20:42:33
(Infos sun l utilisadour | Ti mané n messaje privat)
I me damane: messarà la presidenta dla Union Generela di Ladins dles Dolomites, dl 2010, passé na stangia y paié n daz per ruvé tla Ciasa di Ladins a Urtijei. Do mia minonga mess LADINS DOLOMITS tò ite na posizion clera: no a n daz y no a na scluta, y nia bandolé via y ca.



Re: Joufs dolomitans a paiament: LADINS DOLOMITES dij nò (ponc: 1)
da travers ai 23 July 2009 da les 09:54:17
(Infos sun l utilisadour | Ti mané n messaje privat)
La proposta radicala de fé n tunel de coliament sot Frara fora ne é nia nueva ma ala é dldut utopistica tignan cont dl cost de costruzion y de mantegniment. Laprò voléssen ence mantegnì en funzion la streda soura i joufs per l sport dla roda; n auter cost fora de mesura! Chi dessa pa finanzié dut chest? De tel propostes irealistiches descrediteia demé chi che les porta dant y perchel fajessa LADINS DOLOMITES dret a se conzentré sun cosses plu realistiches y credibles.


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.433 seconc