benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Albert Pizzinini: Mussner fej massa puech
scrit ai 16 July 2009 da les 21:44:56 da noeles

Politica

Svp: demé de beles paroles y de gran empermetudes

Pizzinini: "Tles valedes ladines végnel mout deplù coutes de chel che ruva endour tles casses comunales" 

Image Hosting by PictureTrail.com"Aladò dles coutes paiedes ite él oramai da trueps agn che les valedes ladines ciafa endour demé na picera pert de cie che vegn paié ite. La domanda da nes fé é: él la Ladinia che à debujegn de Bulsan o él Bulsan che à debujegn dla Ladinia?", dij Albert Pizzinini, president de LADINS DOLOMITES, jian inant dijan che "l sforz fat da la SVP per agabé da les ultimes lites provinziales oujes tles valedes ladines confermeia plenamenter chest. Da pert dl raprejentant ladin a Bulsan végnel fat na politica dl juech dopl. De beles paroles tla Ladinia y de gran empermetudes, ma fac degugn. Tla enconteda con l minister Maroni ne à Florian Mussner nience abù una na parola per i ladins, ence sce al fossa sté la dreta ocajion. Degun sostegn nience per cie che reverda la senta dla fondazion Unesco tla Ladinia, per Mussner vàla ben, sce ala vegn metuda su a Bulsan, sciche ala ti jiva ence ben che l inom Dolomites vegnissa venù tla Cina." Image Hosting by PictureTrail.com


Albert Pizzinini, president de LADINS DOLOMITES

Ladins Dolomites se damana da Florian Mussner sinzierté y empegn per i Ladins. Empegn tla direzion de na repartizion dles ressourses en basa a les coutes paiedes ite. Chest ti permetessa ai comuns de realisé si projec per l ben dla popolazion. "Ala ne pò nia jì inant enscì che Florian Mussner y duta la SVP tegne su les ghiranzes di ladins. Ghiranzes che dess vegnì sostegnudes y ciafé lerch a Bulsan adoran duc i strumenc a desposizion, ence chel de fé tomé la maioranza tl govern provinzial sce i ladins ne ciafa nia cie che al ti speta", plura Pizzinini.
Ladins Dolomites, tres sie president, tol l’ocajion da envié via na enconteda adum a la jent con l assessour Mussner. Pizzinini: "An aspeta demé plu la comunicazion da pert dl assessour per fé fora na seira. De chest vers ne à ciamò Florian Mussner dé deguna resposta. Y spo nes còntel dant che al vuel l dialogh depierpul ciàlen a vigni moda de astilé fora vigni confront democratich. I aspeton empò con fidenza."

 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 4.27
Oujes: 11


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.355 seconc