benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Problems de interpretazion dla lege cheder
scrit ai 10 March 2003 da les 15:24:20 da noeles

Politica

 

La Generela y i ladins da souramont - Al vegn damané sclarimenc a Roma

de Lorenzo Soratroi

L reconesciment dl’Union Generela desche organism de coordinament, damané a la provinzia de Belun dai trei comuns ladins storics, desche prevedù dal articul 3 dla lege cheder nazionala sun les mendranzes 482/99, se porta do na chestion de interpretazion dla medema lege. Per dì miec, al é vegnù fora na sort de "vuet" tla lege, nia prevedù fosc dal legislatour nience canche al é vegnù mené fòra l decret atuatif. Al se n’à entenù Nani Pellegrini, president dl’Union di Ladins da Fodom, che ti à scrit al minister La Loggia, per avei sclarimenc.



Tla letra ti recorda Pellegrini al aut esponent del govern de Roma, che i trei comuns à bele damané chest reconesciment a la provinzia de Belun, ma ence a Trent y Bulsan, percie che ai é a una che demè restan con la Generela podaràn tegnì da cont la spezifizité de chestes trei realtés. Sciode che - evidenzieia ciamò Nani - no la lege cheder, no l regolament atuatif dij chi y co che chest organism de coordinament, podarà damané contribuc.

Plu en particolar does é les domandes che vegn portedes a l’atenzion dl Minister: a ciuna Region, Venet o Trentin Aut Adesc, messarà pa les assoziazions che fej pert dla Generela mené ite les domandes de contribut ? En plù, a ciun ent ti spétel pa de dé fora chest contribut ? L’opinion de Pellegrini é che chestes domandes messe vegnì menedes perdret a Roma, al minister competent desche les relazions anter l organism de coordinament y les istituzions, mess ester tres endirizedes soura les Regions fora. Per motivé chesta consciderazion recorda Nani defat che les Regions ne pò nia deliberé valch che vae aldefora de siei confins y che al fossa scialdi rie damané finanziamenc separés per scomenciadives che enveze vegn fates adum da deplù Unions.

Domandes y consciderazions che, an spera, a Roma essa da ciapé na resposta. Y sun chest pont fòssel ence plu che dert che i parlamentars ladins desche Detomas ma ence chi autri che s’à tres dé da fè per chesta mendranza spenje tles sentes istituzionaes, per giaté sclarimenc.


 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.409 seconc