benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Ladins Dolomites: pro meisa con l minister Maroni
scrit ai 07 July 2009 da les 19:29:20 da noeles

Politica

LADINS DOLOMITES ence pro meisa de Maroni

Albert Pizzinini à rejoné pro la meisa torona, cherdeda ite dal minister ai Interns Roberto Maroni, de chestions ladines 

Image Hosting by PictureTrail.com Anter i enviés a la meisa torona per la convivenza te Sudtirol cherdeda ite dal minister ai Interns Roberto Maroni, ai 30 de jugn a Bulsan, fòvel ence n raprejentant de Ladins Dolomites tla persona de sie president, Albert Pizzinini. Ladins Dolomites vuel mescedé empera y ne ti lascé nia dut a la Svp che veid ti ladins na componenta da tralascé, sciche al é vegnù desmostré entratant l'enconteda. Maroni ova fat la proposta de na meisa torona do les tenjions etniches te Sudtirol en chesta aisciuda per gauja dl monument ai alpins a Bornech.
L assessour Florian Mussner fova pro la "meisa torona", ma sun i ladins ne àl abù nia de particolar da mete dant.



Te sie entervent à Albert Pizzinini dantaldut metù l peis sun la valivanza de tratament per arjonje na miour convivenza anter i grups linguistics tla provinzia de Bulsan. Bendebot de enteres anter i partezipanc talians à enconté sia proposta de slarié fora la scola paritetica do l model ladin te dut Sudtirol. Pizzinini à ence sciolé su la proposta de mete su la senta dles Dolomites sot a sconanza UNESCO tla Ladinia, tòlela pu ite na gran pert dl raion dolomitan. De chest vers él sté samben manco resson. Pizzinini rata che te chesta chestion él i ombolc o la lia di comuns ladins che mess mete sun meisa chesta ghiranza per avei plu fazion. L ombolt de Corvara, Franz Pedratscher, à bele proponù Corvara sciche senta. N auter candidat, ence da pert de Belun, podessa bonamenter ester Cortina d'Ampez con sie certl de creps dolomitics che degun auter luech ne à da mostré su te na tel grandeza. Les chestions ladines é ence autres: p.ej. i proscims varesc per l referendum de Ampez-Col-Fodom, l aument dles trasmiscions radio-televisives, na redazion autonoma dla RAI ladina, l reconesciment dla Generela, n tratament scolastich unfat te dutes les provinzies, (p.ej. na intendenza scolastica soula), l daz Mussner sun i joufs dolomitans, chestions nience azichedes enfin a ciamò. Pizzinini à envié i ministri Roberto Maroni y Roberto Calderoli, tramedoi dla Lega Nord, de avei na enconteda empera.
Da pert dla Svp ne él sté degun entervent spezifich en cont di ladins. L assessour Florian Mussner à fat n descurs dassen general. Les encontedes con Maroni jirà inant te na seconda fasa y ilò vegniràl metù ju les propostes per scrit per avei n papier de laour. Con Florian Mussner à depierpul Albert Pizzinini fat fora de avei na enconteda per rejoné de chestions politiches tl temp che vegn.

 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 5
Oujes: 4


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Ladins Dolomites: pro meisa con l minister Maroni (ponc: 1)
da Jandaniel ai 08 July 2009 da les 16:30:44
(Infos sun l utilisadour | Ti mané n messaje privat)
I ne rate nia che la scola posse ester n model per i todesc y i talians te Sudtirol, sce an la mesura aladò dles ores de ensegnament tl lingaz dla oma (2 ores tla scola de oblianza y 1 na ora tles scoles autes tles valedes ladines). Chilò messessa LD bonamenter tò ite na posizion plu avisa.
Na autra chestion é la toponomastica. L statut de autonomia ti garantesc ai ladins l respet de sia toponomastica te Sudtirol. Sciche ala vegn manajeda encuei endere demé tles valedes ladines. P.ej. ne stàl scrit sun deguna tofla defora da les valedes che l jouf de Frara/Frea (Frera per LS), sceben che tles valedes ladiens él scrit chest toponom al prum post, l medem vel per i paisc, a Pruca lìejen demé St. Ulrich/Ortisei, ma nia la dreta forma ladina Urtijei, ciodì pa chest? Sce al dess vegnì respeté i toponims ladins, spo déssei vegnì respetés a livel provinzial.
Florian Mussner ova bravé enlaouta che sun i cantiers provinziai vegnìvel scrit te 3 lingac, ma les tofles sternudes fora ai ours de streda de mete averda (svelteza y alcol) é demé scrit per todesch y talian. Pizzinini se damana con rejon n tratament "valif" per i ladins.


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.367 seconc