benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Albert Pizzinini: la Svp anter PD y PDL
scrit ai 28 June 2009 da les 20:35:04 da noeles

Politica

LADINS DOLOMITES: la Svp ladina ne à deguna lingia politica

Albert Pizzinini é sodesfat che l Tribunal Aministratif à refudé l recurs dla Bioc Bau per i laours de restruturament dla Ciasa de Paussa a San Martin 

Image Hosting by PictureTrail.com "La SVP cuei adum a livel provinzial da les 120.000 a les 140.000 oujes che raprejenteia za. l 33% de chi che à l dert da lité, ma ales cleca per mantegnì l podei. Chest numer vegnirà endere tres mender per gauja dles melsegurtés y dla confujion de idees al intern dl partì. Les declarazions nueves dl president dl consei provinzial Dieter Steger sun la daurida al PDL (Polo delle libertà) o les posizions al intern dl partì sun la scola plurilinguistica–paritetica lascia vedei clermenter les despartizions al intern dl partì. L senatour Peterlini à avertì plu iadesc dl pericul dl spidiciament dl partì." Con chestes constatazions se damana Albert Pizzinini cie posizionament che la politica tol ite y ciun che sarà l davegnì.
Pizzinini: la Svp ladina ne fej deguna politica, ma và demé do.



Pizzinini ne sparagna nia con paroles ciamò plu dures te sie comunicat: "Te chest contest ti él cler a duc entratant che la SVP raprejenteia demé plu n strument per realisé enteresc personai, al basta pensé ai bogn scagns de laour, a les conzescions edilizies, a la realisazion de gran projec y.e.i. I ladins pò baudié che ai ne é feter nia plu raprejentés te consei provinzial, do les ultimes respostes dl assessour Mussner che à dit che al ti và do a la lingia dl partì ence contra i ladins ajache la SVP é la ousc dla popolazion de Sudtirol. Na domanda: cie lingia và pa Florian Mussner te n partì despartì te sie intern?"

Ciasa de Palsa da San Martin
L recurs dla ATI Bioc é vegnù desbuté dal Tribunal Aministratif con la motivazion che les rejons portedes dant da la ATI Bioc ne é nia giustifichedes. "Dut chest teater à entardivé i laours de 3 meisc con costimenc relatifs per l afit tla sistemazion provisora di berbesc y dles amedes. En plu à la ciasa de paussa messù se tò soura speises legales", se baudia LADINS DOLOMITES.
"Chest cost ti vegn endò n iade ciarié su sun les sciables di zitadins. N at de puecia responsabelté da pert dla Bioc Bau de Paula Bioc Gasser dla SVP che nes fej paié duc deplù. La chestion dla Ciasa de Paussa a San Martin é demé un dles dosenes de ejempli olà che i zitadins nen paia soura per gauja de chi che anuza la politica per si fins", dij l president Albert Pizzinini.


 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 4
Oujes: 4


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.401 seconc