benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Cultura da munt: seires de aorela curta sot Pütia
scrit ai 25 June 2009 da les 19:57:52 da noeles

Val Badia

Al vegn scur y tant nuet: les stries bala encerch

Manifestazions dai 24 de messel ai 8 de aost, metudes jì en colaborazion con l EPL - Pruma raprejentazion dl teater "La Strega" de Iaco Rigo - Triparies per mutons 

Image Hosting by PictureTrail.comAl se trata dla pruma gran manifestazion metuda a jì da la lia "Cultura da munt", con sia presidenta Gaby Irsara, metuda su en chesta outa. Ala se à tout dant de mete a jì na lignola de seires de entrategniment te un di scenars plu biei dles Dolomites, sun Börz y i pres plajoui de Sotpütia, lian ite l "bal dles stries", metù a jì bele da n zacotant de agn, con n valgunes d'autres novités per entrategnì i sciors y la jent dl post n valgugn dis amesa l isté. Mujiga, bal, teater y aorela curta se barata ju a rodul.
Gaby Irsara, presidenta dla manifestazion. Chesta outa con na preja de ert y teater.
 
Image Hosting by PictureTrail.com
 
 


 

 

 

 

24 de messel: Esposizion dl EPL sun i pres Sotpütia: troi artistich
L'ert plu auta (ars maxima) é la natura y sot a chest motto tol pert Ert per i ladins (EPL), a recordanza de si 50 agn da la fondazion, a la manifestazion metuda a jì da la lia "cultura da munt". Per i artisc' se tratòvel de ideé, zenza avei abù dé dant n tema, operes da podei mete fora alalergia. Al vegnirà metù fora endut 6 operes de chisc artisc' sun i pres da munt sot Pütia: de Albert Mellauner, de Helmut Pizzinini, dl duo Gustav Willeit/Michael Moling, de Irina Tavella, de Mariana Acuña, Roberta Sottara y de Silvester Promberger. I vijitadours che se met sun l troi dl'ert ciafarà sun l post les spligazions de uega sun artisc' y operes esponudes.


Raprejentazions sot a les steiles: "La Strega", teater metù adum da Iaco Rigo
L drama-teater, metù jù per talian per gauja di trueps sciors a mesa isté, con cianties per ladin anterite, vegnirà porté dant les seires dl 24 y 25 de messel (vender y sabeda) y ai 6, 7 y 8 de aost  (juebia, vender y sabeda), dagnora sun l danterores, da les 21.30. Al vegn consié de ruvé sun l jouf de Börz entourn a les 20.45 y da chilò peia via i grups de vijitadours per jì deberieda sun i pres de Sotpütia. Consié végnel tamben de se tò do guant ciaut y ence valch contra l tume, sce al essa da plovei.
L drama "La Strega" é vegnù metù ju da Iaco Rigo sun enciaria dla organisazion. La regia é tles mans de Simon Kostner. I prums personajes dl drama vegn jobelnés da Bibi Agosto, Margherita Clemente y da Simon Kostner enstes. La mujiga originala dl pez é vegnuda componuda da Angela Palfrader. Ela enstessa sonarà la vidola. Costums, scenar y consulenza artistica é tles mans de Margareth Forer de Gherdeina.

Desfileda - mostra de fotografies - L bal dles stries
Image Hosting by PictureTrail.comEn vender, ai 31 de messel, balarà sun Börz les stries tl scur entourn fuech da seira. Ma entratant dut l dì végnel pité valch entrategniment. An à pensé ence ai mutons: da les 10.00 dantmesdì inant végnel conté stories y al sarà sun l post paiazesc. Dales 15.00 vegniràl fat la desfileda da Börz vian Sarighela. Sun troi vegniràl fat valch desmostrazions dl laour sun mont zacan y al vegnirà ence mostré cie speisa che an cujinova enlaouta. Chest cheder vegn completé da na mostra de fotografies da zacan. Da les 17.30 a les 23.00 và la festa inant puech plu ensù sun i pres de Sotpütia con mujiga, "Schuplattler", corns da mont y mujiga a percuscion. Dedò l bal dles stries y di strions entourn fuech via.
La domenia, ai 26 de messel 2009, ti vegn dedicheda deplen a la natura. Dl dì se festidieia i verdaparcs dla provinzia che condujarà sun semenes da mont per amiré les piceres y les gran marevueies dla natura. L program, con valch triparies per mutons, met man da les 10.00 y dura dut l dì.


 
Liams emparentés
· Deplú sun l tema Val Badia
· Chier te noeles


L articul plu liet te chest tema Val Badia:
Mareo per i maroi: na Talsprache nueva


Valutazion dl articul
Cumpeida mesana de oujes: 2.71
Oujes: 7


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.378 seconc