benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Vito Palabazzer ne é nia plu
scrit ai 24 June 2009 da les 16:43:36 da noeles

Persones

 

Vito Pallabazzer é vegnù mancia

L prum president dl Istitut Cultural Ladin «Cesa de Jan», dot. Vito Pallabazzer, nasciù a Col Santa Lùzia, é vegnù a mancé ai 22 de jugn dl 2009. Vito Pallabazzer fova n gran studious, tant da en savei truep sun la storia, sun l lingaz, sun i costums y sun les tradizions de sie paisc de Col Santa Lùzia y contourns, olàche al é nasciù y olàche al paussarà saurì. L sant rosare vegn dit su tla gliejia ploanala da Col en lunesc ai 29 de jugn da les 8 da seira. La sepoltura sarà en mertesc, ai 30 de jugn da mesa les trei domesdì, tres tla gliejia ploanala de Col.



L president dl Istitut Cultural Ladin «Cesa de Jan», Giovanni Pellegrini, y duc chi che laora laprò lascia alsavei de ti ester damprò a la familia, dantaldut ai fis Sara y Giovanni.
Vito Pallabazzer é conesciù lonch y lerch per si studes linguistics, glotologics y etnografics. Al fova diretour dl Archivio per l'Alto Adige a Florenza y giaud anter esperc de ladinistica de dret n bon inom. Ence sce al ova laoré te ambienc talians se destàchel clermenter da la scola de Padova de G.B. Pellegrini y da sies teories sun l ladin. Anter sies publicazions nen recordonse demé n valgunes: "Contributo allo studio del lessico ladino dolomitico" (Istituto di studi per l'Alto Adige, 1981), "I nomi di luogo dell'Alto Cordevole" (L. S. Olschki, 1972), "Lingua e cultura ladina" (Istituto Bellunese di Ricerche Sociali e Culturali, 1989).

 
Liams emparentés
· Deplú sun l tema Persones
· Chier te noeles


L articul plu liet te chest tema Persones:
Laudatio per dr. Paul Videsott


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.369 seconc