benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

La Svp: a Bulsan dezideien cie fé con i ladins
scrit ai 13 June 2009 da les 18:20:42 da noeles

Politica

Albert Pizzinini: Mussner confermeia, vigni dezijion vegn touta a Bulsan

La SVP ladina ne à net nia da dì - I conc tles valedes ladines ne stimenia nia -  

Image Hosting by PictureTrail.com Chesta é na letra de resposta dl president de LADINS DOLOMITES, Albert Pizzinini, a la letra dl assessour Florina Mussner tres chela che al ova tout posizion sun l comunicat stampa de Ladins Dolomites publiché sun la Usc di 6 de jugn y ence sun noeles.net. Pizzinini dijova che la Svp ne raprejenteia nia endertura i ladins, ajache l raprejentant ladin Svp mess se tegnì a la maioranza, chela todescia, pro vigni sia dezijion. Florian Mussner ne é nia ju ite tl particolar te sia resposta, ma aladò de Pizzinini é sia resposta empò clera: "la SVP é aladò de Mussner la ousc dla popolazion de Sudtirol y enscì scòel emplizitamenter demez la SVP Ladina, ajache la posizion dl partì pò demé ester una soula, chela dla maioranza al intern dl partì enstes. La maioranza é chela todescia". Pizzinini: "Chest vuel dì che i ladins perdarà dagnora, sciche al vegn desmostré da trueps ejempli." Dl auter vers fej capì l assessour che canche al vegn fora conflic de enteresc anter todesc y ladins sostegniràl dagnora la posizion dl partì, ence a dann dla mendranza ladina.
Les valedes ladines é na fontana de coutes bendebot enredoula. Pizzinini: an paia ite entourn al 20%, ma demé n 4% ruva endò zeruch.



Per Pizzinini é la chestion clera. Te sia replica scrìvel: con de autres paroles vuel chest dì che a Bulsan vegniràl fat fora dai todesc cie nen fé di ladins: sce mete l daz sun i joufs de Frera y Sela, sce acorpé la direzion dla scola d’ert con l ITC, cie assoziazions finanzié, cie politica ambientala fé, y. e.i, vigni dezijion vegnirà touta a Bulsan dai todesc davia che chi fej fora la lingia al intern dl partì sen al govern. A chest pont él ence da se damané tant inant che i ladins é raprejentés tl consei Provinzial, sce l conseier ladin ne se destacarà nia da la lingia dl partì canche al và debujegn per l ben di ladins.
Souraprò ciamò does consciderazions: tré tresfora ca l tema dla autonomia sciche merit dla SVP vuel dì fé demagogia; la provinzia de Trent é ence autonoma con i medems derc dla provinzia de Bulsan y dessegur ne él nia sté chilò l merit dla Svp.
Da envié él i funzionars SVP sternus fora per les valedes ladines a desmostré onesté inteletuala y nia de fé propaganda engianousa dijan che la SVP se cruzia di ladins, y per onesté ence dì che ai sostegn la posizion de chi che vegn a se tò l 20% dl budget provinzial con les coutes tles valedes ladines per ti en dé zeruch nience l 4%. I conc tles valedes ladines ne stimeneia nia. De chest vers él da laoré per na autonomia finanziara ladina che tegne cont tla repartizion dles ressourses dles coutes paiedes ite."

 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 5
Oujes: 2


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.383 seconc