benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Lites provinziales a Belun: Daniela Templari ti la fej
scrit ai 12 June 2009 da les 18:21:46 da noeles

Politica

Daniela Templari ruva te consei tla provinzia de Belun

Ala portarà inant la chestion dl referendum - Chesta domenia, 21 de jugn, balotaje per la presidenza anter Sergio Reolon (PD) y Gianpaolo Bottacin (Lega Nord) 

Image Hosting by PictureTrail.com Daniela Templari, candidata sun la lista zivica LDP (Lista Locale Ldp Bottacin Federalismo Dolomiti che à abiné adum 5.672 oujes, 624 o l 16,99% de chestes tl coleje lital de Ampez-Fodom y Col), lieda a la Lega Nord pro les lites provinziales di 6-7 de jugn a Belun, jirà te consei y raprejentarà dantaldut i ladins di trei comuns da souramont y sia gauja referendara. Chesta domenia, 21 de jugn, végnel lité a Belun na seconda outa l president, do che pro la pruma roda ne ova degun candidat arjont la maioranza assoluta. Al balotaje é ruvés l president en ciaria, Sergio Reolon dla lianza de manciancia, con l 41,2% dles oujes y Gianpaolo Bottacin (Lega Nord), candidat dla lianza de mandreta con l 47,1%. L zenter-dreta davagna autafora a Ampez-Fodom-Col con l 69% dles oujes.
Daniela Templari, da Fodom, fova ativista en pruma lingia pro l referendum dl 2007



Daniela Templari: "Emprumadedut vuei dì n bel develpaie a duta chela jent che me à dé la creta y che crei che i son bona de porté inant l iter dl referendum." Con la lita de Daniela Templari arjonj l comité referendar n prum gran obietif, chel de avei na ousc tl consei provinzial de Belun. Sen trémolen endere ciamò per l balotaje. Sce Gianpaolo Bottacin tol la venta, fajessa Daniela Templari automaticamenter pert dla maioranza, n vantaje envers a ester pro la oposizion. Les poscibeltés someia de ester bendebot granes che al entravegne na muda de govern tla provinzia de Belun. La repartizion dles oujes pòn vedei sun chest sit Resultac tl coleje lital de Ampez-Fodom-Col.

 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 5
Oujes: 1


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Lites provinziales a Belun: Daniela Templari ti la fej (ponc: 1)
da marco ai 12 June 2009 da les 20:05:07
(Infos sun l utilisadour | Ti mané n messaje privat)
En gran complimont a Daniela co á dagnora mostré en gran idealism y na gran dediziun por la cuestiun ladina.
I comuns da Soramunt á en certl lital autonom y an veiga tan emportanta che cösta cosa é por na raprejentanza sogüda tal consei provinzial.
Les mius aodanzes y bun laur.



Re: Lites provinziales a Belun: Daniela Templari ti la fej (ponc: 1)
da AlbertPizzinini ai 13 June 2009 da les 17:29:55
(Infos sun l utilisadour | Ti mané n messaje privat)
Les mius aodanzes ince dal moviment politich Ladins Dolomites pur n bun laur tl segn dla trasparenza y dla competenza


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.387 seconc