benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

La Svp ne raprejenteia nia ben i ladins
scrit ai 05 June 2009 da les 09:48:20 da noeles

Politica

La Svp ne dess nia avei n monopol de raprejentanza di ladins

N raprejentant de LADINS DOLOMITES tolarà pert a la meisa torona per Sudtirol dl minister Roberto Maroni 

Image Hosting by PictureTrail.comLadins Dolomites, tres sie president nuef, Albert Pizzinini, contesteia che la Svp ae la funzion de raprejenté da soula o ae raprejenté politicamenter i enteresc di ladins te na mesura valiva ai todesc. Pizzinini: "Ti ultims temps ti ésen ence jus permez a la chestion dla funzion dla Svp sciche partì de abineda dles mendranzes todesces y ladines. La Svp se prejenteia gen dagnora desche partì etnich davert a does mendranzes, chela todescia y chela ladina, lascian fora i talians. Tl contest politich provinzial él autri partis todesc che se afermeia tres deplù sciche ence l moviment de recoiuda di ladins Ladins Dolomites che à desche fin chel dla sconanza y dla afermazion di derc di ladins a vigni livel." Y chest te na mesura plu ampla che chela voluda da la Svp. Albert Pizzinini, president de LADINS DOLOMITES



"Te chest contest é la ghiranza dla SVP de raprejenté i ladins utopica y engianousa", dij Pizzinini. "N partì etnich sciche la SVP à l fin de sconé y de promueve la mendranza linguistica che ala raprejenteia. Volan endere raprejenté does mendranzes linguistiches ne podaràla mai ti jì permez adum a les problematiches che reverda trami i grups linguistisc' olàche al ne é nia conflic de enteresc. Canche chisc se prejenteia végnel dagnora automaticamenter trat dant l grup linguistich plu raprejentatif, te chest caje i todesc", spliga Pizzinini. Chest suzed p.ej. pro les candidatures a les lites y te trueps d'autri ciamps. "I ladins à dagnora demé da perde", sotrisseia Pizzzini, sce ai ne se fej nia audì plu dadaut tres n sie moviment politich autonom.
"Demé sce l partì te sie intern se embasta l am de mete dantfora la defenuda dla mendranza a dann dla maioranza plu raprejenteda y che é maioranza al intern dl partì, é la preteisa de volei raprejenté la mendranza ladina da fondamenta. Chest ne é endere mai suzedù y ne podarà mai suzede, dantaldut nia plu te na fasa de redimensionament dla SVP", é convenciù l president de Ladins Dolomites, Albert Pizzinini.
L moviment Ladins Dolomites vuel fé audì sia ousc tla politica provinziala, n prum sostegn vegn da la Lega Nord. Do na enconteda abuda con raprejentanc dla Lega ai 3 de jugn 2009 é l partì politich LADINS DOLOMITES vegnù envié a partezipé a la meisa torona en raprejentanza di ladins con l minister ai Interns Roberto Maroni.
Entratant la enconteda él ence vegnù afronté i temesc dla raprejentanza istituzionala di Ladins a Roma y a Bruxelles y l federalism fiscal. Les posizions de Ladins Dolomites vegn sostegnudes da la Lega Nord.

 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 4.10
Oujes: 28


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: La Svp ne raprejenteia nia ben i ladins (ponc: 1)
da travers ai 05 June 2009 da les 12:30:04
(Infos sun l utilisadour | Ti mané n messaje privat)
Finalmener paroles cleres do l'ilujion ecumenica dles ultimes lites! La realazion anter ladins y todesc tla SVP é dagnora steda chela de fant (ti porté ousc al partit) vs patron (deutsch über alles, ai ladins valch broscia per podei se prejenté al mond sciche defensour universal dles mendranzes).


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.350 seconc