Albert Pizzinini a Florian Mussner: "Deideste destizé o da tizé l fuech?"
Tles "stritaries" de natura etnica tles ultimes edemes te Sudtirol ne à l assessour aladò de Pizzinini nia tout ite na posizion clera
Albert Pizzinini, president nuef de Ladins Dolomites, criticheia dassen la posizion touta ite dal assessour Florian Mussner tles chestions de natura etnica debatudes te chestes ultimes edemes tla provinzia de Bulsan, dijan che "do che l obmann nuef dla SVP, Richard Theiner, à empié l fuech sun la chestion
etnica te Sudtirol con sies declarazions l dì dla nomina a obmann nuef y dedò che l president dla Jonta Provinziala, Luis Durnwalder, à prové da destudé l fuech à ence Florian Mussner tout posizion. Chilò copieia l assessour Florian Mussner la posizion de Ladins Dolomites che te si comunicac stampa à auzé fora i Ladins sciche ejempl de convivenza anter i grups linguistics. Davia che l partì che al raprejenteia ne é nia sté massa cler ti fac sun la chestion envieia Ladins Dolomites l assessour Mussner a tò posizion sun chisc argomenc". Pizzinini ti fej sen n valgunes domandes al assessour: "Deidel apajé via les stritaries etniches o deidel a les enflé su?" L assessour Florian Mussner
Albert Pizzinini ti damana al assessour Florian Mussner:
"1. Ciodì ne se àl pa nia destanzié da la posizion dl partì canche ala é juda da lité te consei sun argmenc delicac che a dè ocajion da enflamé ciamò deplù la situazion, per ejempl la chestion di Freiheitskaempfer o di diploms de scola?
2. Tant inant é pa sostegnibla la prejenza de raprejentanc ladins al intern de n partì olà che al é esponenc che anuzeia vigni ocajion per nudrì conflic interetnics? Ne se tem pa l assessour Mussner nia de tré ite i Ladins te n poscibel conflit da chel che ai vuel y mess sté da na pert?
3. Canche al se trata de chestions delicates che reverda i ladins tamben tl ciamp etnich sciche ence te autri ciamps olàche la politica de partì và contra l ben di ladins se destanziarà pa l assessour da les dezijions dl partì se demostran n raprejentant ladin o staràl a la politica de parti?"
