Modul nuef: informazions da defora
Les informazions dl Servisc a les mendranzes de Trent
I informon nosc letours che da puech él vegnù enjonté a man dreta n modul-cheder che sourantol automaticamenter les noveles rss dal sit dl Servisc a les mendranzes de Trent, partides ite te informazions locales, nazionales, internazionales y clusel stampa. Te chest ultim cheder végnel tresfora enjonté articui de enteres sun chestions de mendranza comparus sun sfueis desvalifs da podei daurì su sciche files *.pdf, cie che slisireia dassen la letura.
Clican sun rss-esterns, atira dessot, veiden dutes les noveles rss sciche ales é tamben da vedei sun l sit dl Servisc a les mendranzes de Trent con na curta descrizion sun l contegnù dantfora. L sit istituzional dla provinzia de Trent reporta da n rai ampl informazions atuales che reverda la mendranza ladina en particolar, ma tamben con uedl foradecà a livel nazional y internazional, samben tres sun chestions de mendranza. Les noveles rss é aposta vegnudes ideedes a na moda da podei integré informazions sun plates internet desferentes y/o vegnì lietes tres letours de rss, sce zacai adora de tel programs. Ence l sit Noeles.net desponn de n rss-feeder (vejoladour-rss) a la miscion: http://www.noeles.net/backend.php.
