Scola d'ert Cademia: chest é l colm!
Albert Pizzinini: "L assessour Florian Mussner à l DOVEI de laoré per l ben di ladins, no decontra!"
La scola d’ert Cademia da Urtijei, scola de gran tradizion dess, per cie che reverda les direzions, vegnì acorpeda al ITC de Urtijei te una na soula direzion; chest aladò di plans dl assessour ladin Florian Mussner. Sun chesta prospetiva tol posizion l president de LADINS DOLOMITES, Albert Pizzinini, dijan che "an sà che la aministrazion provinziala é a curt de ressourses y mess sparagné, ma ajache al é vegnù fat massa trueps fai de gestion ti ultims agn che se lascia sen sentì".
Dret falé rata Albert Pizzinini che an vuele sen perchel "scurté les pueces ressourses dedes ai ladins en confront a les coutes paiedes ite y en plu che propi l assessour che proclameia tant de defene i ladins é en pruma persona per l acorpament, chest é l colm". Da sclarì él chilò la posizion dl medem assessour Florian Mussner che se astila da raprejentant de n partì todesch contra i ladins; l raprejentant ladin te consei provinzial à l DOVEI de se paré con mans y con piesc per i ladins y no ti laoré decontra. De chest vers envieia LADINS Dolomites l assessour Florian Mussner "a mudé posizion y defene a vigni moda la Scola d’Ert Cademia che à porté pro dret truep per l svilup cultural tles valades ladines y nia demé".
