benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Traslaval 2009: Fascia se enjigna ca
scrit ai 20 May 2009 da les 19:54:07 da noeles

Sport

Traslaval 2009: per montes y per valedes

Dai 28 de jugn ai 3 de messel 11eisema edizion dla roda a etapes te Fascia  

Image Hosting by PictureTrail.comAl fala puech plu de n meis dal scomenciament y l capo-organisadour de chest gran event, Stefano Benatti, descuer finalmenter ciugn che sarà i "trois" dles raides dla gara da sauté/jì a pé te 5 etapes de "Traslaval" dai 28 de jugn ai 3 de messel. Al ne mancia nience en chest ann n valgunes novités, da mete man da la pruma etapa, con pieda demez veduda dantfora da les 5 domesdì per ti consentì ai partezipanc de ruvé tla val, ence per tò pert demé a una dles 5 etapes sciche l regolament preveid.

I partezipanc al start te una dles edizions da denant.



La pieda demez dla pruma raida, la plu curta de dutes cantes con  8,5 km é veduda dantfora a Ciampestrin. Chesta roda conduj su per na cleva nueva de 2 km (de 300 m de deslivel) devers la Val Udai che sarà determinanta, encebeben che l ert da vegnì juvers podessa favorì i plu temerars. Chesta pruma etapa jirà dessegur de uega per se sciaudé ite i muscui a na moda de podei tò pert con suzes a les etapes ti dis do. N panorama da jauzan fajarà da cornisc a chi che ruva sunsom sot al Larsech con na veduda ampla sun l Sela y la pista dl Aloch sot a les Pizes dles Undesc y dles Dodesc. I atlec jirà flincs juvers devers les frazions de Moncion y Ronch, spo devers l paisc de Mazin olàche ai ruvarà, jian do la streda forestala, al travert dla pruma dles  5 raides de Traslaval 2009 a Mazin.

En lunesc, ai 29 de jugn, végnel cronometré singolarmenter n trat de 6,3 km con pieda demez a enciamps. Chest trat metarà bonamenter n pue sotissoura la classifica dl secont dì. L vencidour de chesta raida sarà ence l prum provisor dla classifica generala. Travert y pieda demez de chesta "raida asvelta" vegnirà metus su a Ciampedel. Ai 30 de jugn devéntela spo plu sfadiousa con la etapa de Soraga, frazion de Moena. An peia demez dal parch fluvial de La Veisc. La raida se destira spo per ben 15 km. Les claupes ertes y sfadiouses se ghira bendebot de forza y volonté per ruvé entons sunsom, passan per la mont de Palua y dlongia la utia de Pociace, soura 1.700 m de auteza sot a la Piza dles Dodesc. Do chest dì dassen sfadious àn sburlé ite n dì de paussa, ai 1 de messel, per se remete y se enjigné ca a les does raides di dis do. En juebia peien via sun i 11 km dla cuarta etapa a Cianacei, tamben con bendebot de deslivel. La gara conduj tres i bosc soura les frazions de Lorenz y Vera, con l pont plu aut a 1930 m che sporj na bela veduda sun Piz Vernel. Vegnì ju sarà tamben bendebot sfadious che jì suvers.
La ultima etapa dla 11.eisma Traslaval peia via en vender, ai 3 de messel, a Vich, la classica raidona, la medema dles prumes edizions con 14,5 km y soura 700 de deslivel, con l pont plu aut a 2000 m sun l altiplan de Ciampedie, da olàche an à na bela veduda a 360 degrés sun Vich y Poza, l Ciadenac con les Tors dl Vajolet y plu dalonc veiden l Pordoi, la Marmoleda, l Lagorai y l Latemar.
La edizion 2009 dla Traslaval se scluj ju da seira con les premiazions. La iscrizion per les  5 etapes costa enfin ai 30 de mei 46 euro, chi che paia ite dedò 56 euro. Deplù informazions pòn lieje do sun la plata internet: www.traslaval.com


 
Liams emparentés
· Deplú sun l tema Sport
· Chier te noeles


L articul plu liet te chest tema Sport:
Carolina Kostner porta a ciasa da Mosca la medaia de bron


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.391 seconc