benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

L pamflet de Othmar Moroder
scrit ai 11 May 2009 da les 19:19:50 da noeles

Politica

Othmar Moroder logheneia dut

Othmar Moroder. "Ladin?": ein Begriff zweifelhaften Ursprungs (na definizion de origines dubiouses) 

Image Hosting by PictureTrail.com Aladò dles paroles dantfora à la compagnia de scizeri de Urtijei raté n referat dl ddr. Othmar Moroder dal titul "Umfeld, Landschaft, Natur und Sprache = Identitaet, Ladin wohin?" scrit per todesch, tant enteressant che ai l à publiché te n sfuei da partì fora. Al se trata de na recoiuda de astrusités che an se fajarà ben ert da nen enconté enzaul na seconda. Al vegn nié n "lingaz ladin" y na "unité culturala" ladina. Othmar Moroder ne é nia demé l autour dl sfuei di scizeri de Urtijei, ma mindicé ence colaboradour dl Istitut di neo-ladins dl Beluneis a Borcia. Entratant l referendum da souramont ti àl dé conseis al comité anti-referendar de Ernesto Majoni, diretour dl istitut, per tegnì dancialà les "zerissene Seelen" (les animes zaredes) de Ampez.



Anter les 7 caraterisazions dl idiom de gherdeina a pl. 58 per definì sies desferenzies dai autri idioms ladins ne en él nience una che é dreta (l son -j- esisteia te duc i idioms ladins entourn al Sela, l sonn -gl- ne esisteia iniò, l -s pro la seconda persona encònten dlonch y e.i.). Da chest pòn deduje la valuta dl auter contegnù. Berba Moroder vuel ence fé creie che anter les valedes ladines ne déssel ester sté da vedlamenter encà feter degugn contac (die Paesse waren zu hoch ...), sceben che la storia y i fac rejona autramenter, da mete man p.ej. dai cognoms de Gherdeina, nia d'inrer fascians, o dai trueps badioc che à fat les scoles de ert te Gherdeina bele tl 1800 y s'à enciasé enlò. La signoria de Wolkenstein ruvova enfin a Colfosch. I ejempli é n grum, ma berba Othmar Moroder logheneia dut. Sia tesa é: na unité di ladins ne à mai esistì. Encuei ne storj nience plu i badioc pro te Gherdeina canche ai và a Bulsan tres Gherdeina (Dies sollen unsere Brueder sein?).
Ma cie che ti meina su l aje dal magon é che encuei ciàlen de astilé fora tl scrit certes esprescions todesces tl idiom de gherdeina che al ruva defin a definì "Ethnische Saeuberung" (netijia etnica). L fin prinzipal dl pamflet vegn devers la fin. Al ne tira nia fora argomenc, ma les aondles agudes contra l "ladin standard o dolomitan", definì "esperanto", na combinazion de "zufaellig zusammengewuerfelte sprachliche Elemente" o, te na definizion ciamò plajoula, lingaz bastert (Bastardsprache). Samben é l ladin standard vegnù crié en funzion per arjonje n fin asconù, na region/provinzia ladina. Donca ne se tràtel nia de n projet linguistich, ma politich.

* Ladin wohin.pdf, da desciarié ju (se tegnì a les istruzions, lité empruma per "download for free ..." a man dreta, spo dé ite l codesc de segurté): http://www.filefactory.com/file/agf75e9/n/Ladin_wohin_pdf

 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 4.69
Oujes: 13


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: L pamflet de Othmar Moroder (ponc: 1)
da travers ai 11 May 2009 da les 19:58:01
(Infos sun l utilisadour | Ti mané n messaje privat)
Perdret ne paiàssel nia la mueia de ti mete averda a berba DDR Moroder; sies stramabries é plu da rì che da messei se scandalisé. I ne sé nia chi che à finanzié l pamflet ma duc sa che i scizeri vegn sostegnus de vigni vers da la provinzia de BZ, naturalmenter sot forma de sostegn a les tradizions y a la cultura. Na domada a nost assessour a la cultura ladina: Merìtel mo berba Moroder na lauda publica da pert de dl "Lont"? Perauter ne é la posizion dl scizer gherdeina nia tant dalonc da chela de Mussner & CO. Demé per fé n ejempl: tramidoi é contra la reunificazion di ladins de Souramont con Sudtirol, tramidoi é contra l lingaz ladin scrit unifiché (cfr. delibera anti ladin standard dl istitut Micurä de Rü y dla Jonta provinziala dl 2003 ).



Re: L pamflet de Othmar Moroder (ponc: 1)
da marco ai 12 May 2009 da les 21:19:11
(Infos sun l utilisadour | Ti mané n messaje privat)
I scizeri (ince chi "ladins"??) disc che ei é por sconé y mantigní nostes tradiziuns y nosc lingaz. Le pamflet é gnü de fora dla comagnia da Urtijei co desmostra te cösc cajo na gran ipocrisia. Moroder desprijeia döt ci co é ladin mo sostegn tal medemo tomp i pseudoladins de Ciadura....
Sce le "Südtiroler Schützenbund" ne se distanzieia nia da cöstes teories co endespra recordanzes scöres de tomps olá che al comanâ le deponjadú da Braunau, él söa credibilité co ven sogü mendra ince en confrunt dles compagnies dai scizeri d´La Pli, da Fodom y d´Ampez.



Re: L pamflet de Othmar Moroder (ponc: 1)
da nones ai 26 May 2009 da les 11:44:48
(Infos sun l utilisadour | Ti mané n messaje privat)
Vergun puel spiegiarme en doi parole el parché I Sizeri e Mussner i è contra el lengaz unitar? Gè dedré dle motivazion "serie" (i.e. lenghistece) o vergot auter (i.e. politege)?



Re: L pamflet de Othmar Moroder (ponc: 1)
da travers ai 26 May 2009 da les 21:58:27
(Infos sun l utilisadour | Ti mané n messaje privat)
Per i scizeri, na pert dla SVP y F. Moroder ne é l ladin nia auter che n idiom, na "rujneda", folclor, alias na sub-cultura. La "Hochsprache" di ladins é l todesch, l lingaz scrit unifiché o ladin standard metessa en discuscion chest dogma. Per chesta jent é Südtirol todesch y basta, sciche dij la ciantia "Riesige Berge, steile Felsenwand (IV strofa):
Deutsch ist die Sprache, deutsch ist das Land,
I: haltet ihm die Treue, stets mit Herz und Hand! :I
I: Steige hoch :I Tiroler Adler, hoch über Fels und Land.
I: hoch über dunkle Tannenwälder,
heil Dir, mein Südtiroler Land! :I


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.399 seconc