benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Museum Ladin: EPL recorda i 60 agn de fondazion
scrit ai 11 May 2009 da les 18:49:10 da noeles

Cultura

Entreda debant al museum Ciastel de Tor

En domenia, ai 17 de mei, vegniràl ence recordé i 60 agn da la fondazion dl EPL - Ert per i Ladins 

Image Hosting by PictureTrail.com (dc) A na domenia daldut particolara envieia ai 17 de mei l Museum Ladin Ciastel de Tor y l'EPL – Ert per i Ladins, la union di artisc' dla Val Badia, en ocajion dl dì internazional di museums. Soura dut l mond él museums che ti pieta chest dì al gran publich orars, programs y condizions d'ezezion, per enzaludé la popolazion da ti dé na vidleda daite a les esposizions y a les tematiches museales.



Te chesta ocajion él vegnù metù a jì en colaoraziun anter l Museum Ladin y l'EPL, che al vegne a se l dé na mesceida enteressanta tl program dl dì, per truepa jent. Per festejé i 50 agn da la fondazion dl EPL – Ert per i Ladins, metuda en pé dl 1960, vegniràl tegnù sun l areal de Ciastel de Tor, n festival de cors che fej pert dla sezion “Cianté” de chesta union. L program veid danfora la daurida dl Museum Ladin da les 10.00 dantmesdì. Na ora dedò, da les 11.00, vegniràl zelebré la Santa Messa alalergia, abelida dai cors de gliejia da San Martin de Tor, Lungiarü y La Val y zelebreda da Siur Iaco Ploner, enstes artist atif desche lirich y leterat. Entratant la marena y tres dut l dì fora, saràl i cors che se darà la muda te sies prejentazions profanes de cianties popolares ladines y todesces. Al sarà prejentes deplù autorités dl ciamp cultural y sozial, che portarà sies paroles de salut y al ti vegnirà souradé onoranzes a chi colaboradours dl EPL, che se à fat meric per i cors y per la ciantia tla Ladinia. Da les 6 da seira vegniràl sclut ju l dì, ciantan duc deberieda l Inn Ladin “Bel lingaz dla uma cera”. L publich arà dut l dì la ocajion da ti cialé al Museum Ladin Ciastel de Tor, che é un di plu enteressanc lonc y lerch, per merit dla conzezion dinamica, tecnologica y interativa de sie program espositif – cossa che l auza fora tl mond museal y l à fat conesce a dret trueps enteressés de cultura y storia ladina. Daverta é ence la mostra atuala dl artist y designer Adalbert Tolpeit da Pederoa dal titul: “Design en liberté”. L'entrada en l dì internazioal di museums é debant. L Museum Ladin se festidieia ence di mendri, metan a desposizion deplù juesc y poscibeltés d'entrategniment, enfin al orar de scluta, che sarà da les 6 da seira. Chi che vuel lascé l auto tl raion da parché dl ciamp sportif da San Martin, pò se anuzé dl shuttlebus debant che transieia da les 10.30 a les 14.30.

 
Liams emparentés
· Deplú sun l tema Cultura
· Chier te noeles


L articul plu liet te chest tema Cultura:
Sotescrivede l Manifest LADINIA 2005!


Valutazion dl articul
Cumpeida mesana de oujes: 5
Oujes: 1


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.439 seconc