benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

L LS, na bona soluzion
scrit ai 08 March 2003 da les 08:16:28 da noeles

Ladin Standard

 

"Emparon a scrive deberieda ladin standard!"

L ladin standard ne é nia n lingaz nuef, al ne é nia artifizial, al é saurí y obietivamenter na bona soluzion per scrive vigni idiom ladin te na forma unitara. Sen che i on metù man da l scrive nes onse entenù che al é plutost n adatament tla maniera de scrive y te valgunes formes, pian via dal idiom de valeda. N valgunes regoles basilares y al deventa enchinamai la maniera plu saurida per mete ju per scrit l ladin, con truep demanco azenc y segns particolars. Y an pò empò lieje sciche an é usés. Al é tamben n  arichiment, ajache i confins anter i idioms toma. An empara paroles nueves y an pò tò ite tl scrit chela o chel'autra parola dal idiom vejin te na maniera daldut naturala. Assolutamenter degun aplatiment di idioms donca. Ti proscims meisc pieta noeles.net na poscibelté en plu "Emparon deberieda a scrive ladin standard!" con n sistem on-line. I interessés pò bele sen se anunzié dantfora a la miscion e-mail: redazion@noeles.net enchina ai 15 de auril y ai giatarà na password per jì sun l sit http://www.noeles.net/e-learn. Ciutiede ite!



Les desferenzies anter idiom rejoné y scrit te LS é cotant mendres, an podessa ence dì nience da confronté p.ej. con l lingaz scrit tl franzeis o ingleis y l rejoné y daldut nia con i dialec todesc de Sudtirol y l "Schriftdeutsch". Dantaldut tla Val Badia, ma ence te Fascia, ésen usés a deplù idioms ladins (mareo-ladin-badiot, cazet-brach-moenat y e.i.i.) al intern dla medema valeda a desvalivanza de Gherdeina. Perchel ne se féjen nia n problem. L ladin standard ruva dret davejin a duc i idioms ladins y chesta é la gran forza dl standard. Desche dit ratonse chest vare important: sun vigni ciamp con interesc deberieda ciàlen de lauré adum y arjonje na union. Al é cler che i ladins davagna ence deforavia stima y consciderazion se prejentan con n lingaz scrit unitar.

Per se anunzié: redazion@noeles.net


 
Liams emparentés
· Deplú sun l tema Ladin Standard
· Chier te noeles


L articul plu liet te chest tema Ladin Standard:
Dal latin al ladin: storia dla evoluzion dl lingaz ladin


Valutazion dl articul
Cumpeida mesana de oujes: 5
Oujes: 2


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: L LS, na bona soluzion (ponc: 1)
da travers ai 08 March 2003 da les 18:11:10
(Infos sun l utilisadour | Ti mané n messaje privat)
Le istitut Micurà de Rü à indò n iade pordü na ocajiun. Pordërt él da se fà demorvöia che la inizitiva de mëte a jì n curs online LS sides piada ia da n grup privat y nia dales istituziuns che sostëgn ofizialmënter le proiet SPELL. Mo dò che MdR ti à ôt le spiné al LS - che al sostëgn, tres in teoria - pòn ciamò se aspeté valch de ütl de chëla pert? An mëss se damané sce le istitut resta ma plö impé por giustifiché la paga de so personal y por defëne la politica antiladina dl assessur "ladin" da BZ.



Re: L LS, na bona soluzion (ponc: 1)
da Dolasila ai 08 March 2003 da les 18:49:01
(Infos sun l utilisadour | Ti mané n messaje privat)
na muntagnola me à cuntè che l Istitut ess cinamai dit de no ala proposta dl curs online

na sort de veto ajache noeles.net é massa "critich", l'impresciun é pa chesta: IL che se storj a politica culturala liada a n partì su.


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.420 seconc