benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Fascia: edema dl lingaz
scrit ai 25 April 2009 da les 15:04:18 da noeles

Cultura

Aisciuda ladina, edema dedicheda al lingaz ladin

Cinch dis de scomenciadives per viventé l enteres per l lingaz ladin: publicazions, relazions, meisa torona 

Image Hosting by PictureTrail.comAl peia via l’”Aisciuda Ladina”, la scomenciadiva nueva dl Comprensore Ladin de Fascia con la colaborazion dla Scola Ladina, l’Union di Ladins y l Istitut Cultural Ladin per valorisé l lingaz ladin sun l teritore. Tla senta dla sourastanza dla Scola Ladina vegniràl tegnù cinch dis dedichés a conferenzes, teater, mujiga y na maratona de letura tl lingaz de mendranza. Te dutes les scoles dla val depierpul scomenciadives per ladin.

Placat dla manifestazion. Ai 5 de mei recòrden ence la "creazion" dla bandiera ladina sun jouf de Frera dl 1920.



“Asciuda Ladina”. Chest inom à n significat prezis ajache al se lieia a la data storica dl'aisciuda dai 5 de mei del 1920, canche per la pruma outa i ladins dl Sela se à scontré sun Jouf de Frera per desmostré de ester n popul soul per lingaz, storia y cultura.
Al é cinch dis che l Comprensore Ladin, deberieda a l'Union di Ladins de Fascia, a la Scola Ladina y al Istitut Cultural Ladin, à dezidù de ti dediché al lingaz de mendranza y a chi che l rejona, per dé gaissa a l adoré dedite de sie teritore.
Dutes les scomenciadives sarà metudes a jì tla sala grana dla Sourastanza dla Scola Ladina.
En domenia da mesa les 3 domarena piarà via la manifestazion con l salut dles autorités y entervenc che arà desche argoment l lingaz de mendranza da man dl President dl Istitut Cultural Ladin - Tone Pollam - dl President dla Union di Ladins de Fascia - Silvano Ploner - y dla Presidenta dla Union Generela di Ladins dles Dolomites - Elsa Zardini -. Dedò vegniràl mostré n video sun l'emportanza dl ladin te Fascia dal titul “N popol, sie lingaz, sia jent” y al vegnirà prejenté l liber “N pensier adaté per vigni ocajion. Per ladin… ciamò plu bel” dla Union Generela y l video “Tras i chedres de na esposizion” de Vittorio Caratozzolo, liec su da Vigilio Iori.


Image Hosting by PictureTrail.comLa natura da d'aisciuda respiedla i colours dla bandiera ladina: scur-vert, blanch y brum.
Da les cinch domarena metaràl man la Maratona de letura “Lieje per ladin…ciamò plu bel” che seghitarà enfin a les ot da seira y che jirà inant en lunesc y en mertesc da les cater domarena a les ot da seira. A la maratona tolarà pert duc chi che al ti plej de lieje per ladin con toc de cronaca, narativa, rimes y teater. La maratona vegnirà touta su te na stua vedla fata su visavì a la sourastanza, te lizeo.
Da lunesc al mercui vegnirà les scomenciadives portedes dant te doi momenc: en lunesc y en mertesc dadoman da les undesc per i studenc y da seira da mesa les nuef per duta la comunanza, en mercui enveze la seconda outa éla da mesa les trei domesdì.
Vigni giorneda é dedicheda a n argoment spezifich. En lunesc ai 4 de mei rejonaràn de legislazion per la defendura dles mandranzes con Bepe Detomas y al vegnirà porté dant i ejic dl Osservatore Joegn da man dl Olfed (Ofize ladin de formazion y enrescida didatica), con l entervent de Virginio Amistadi per l Iprase dl Trentin. L Mertesc, ai 5 de mei, é dediché a les oportunités valives y a les femenes ladines, con la presentazion dl liber “Moments de ela”, a cura dl Comprensore Ladin y dla Scola Ladina. Do la prejentazion vegniràl porté dant l spetacul de teater “Tel lech mia storia” de Olimpia Rasom, con Loreta Florian, Monica Cigolla y la mujiga de Cristina Micheletti al clavier.
L mercui, ai 6 de mei, arà deche argoment l lingaz y la cultura ladina anter tradizion y inovazion: Fabio Chiocchetti dl Istitut Cultural Ladin darà fora tles scoles autes l liber “Museo Ladin de Fascia – Tera ladina da zacan”. Dedò saràl l conzert jazz per ladin “Encresciadum – a Dream and a Tale”, composizion de Roberto Soggetti y de Fabio Chiocchetti, con Silvia Donati (ousc), Pietro Tonolo (sax), Paolino Trettel (tromba), Roberto Rossi (trombon), Roberto Soggetti (piano), Marco Privato (contrabas) y Enrico Tommasini (bateria).
En juebia, ai 7 de mei, vegnirà la scomenciadiva scluta ju con na conferenza sun la politica linguistica ladina con entervenc de Evelyn Bortolotti (Istitut Cultural Ladin), Vigilio Iori (Olfed – Scola Ladina di Fascia), Sabrina Rasom (Comprensore Ladin de Fascia) y l contribut de Marco Viola (Servisc per la Promozion dles mendranzes linguistiches locales - PAT), Marco Stolfo (Servizio identità linguistiche, culturali e corregionali all’estero – Friul) y Vittorio Dell’Aquila (CELE - Centre d’Études Linguistiques pour l’Europe). I laours vegn coordinés da pert de Fabio Chiocchetti (Istitut Cultural Ladin).
Atira dedò na meisa torona olache al vegn envié a tò pert l Olfed, i ensegnanc, i responsabli dla politica linguistica de Fascia, l personal dl Ofize Servisc Linguistics y Cultura dl Comprensore Ladin, i jornalisć, i volontadifs dl lengaz y duc i enteressés.

 
Liams emparentés
· Deplú sun l tema Cultura
· Chier te noeles


L articul plu liet te chest tema Cultura:
Sotescrivede l Manifest LADINIA 2005!


Valutazion dl articul
Cumpeida mesana de oujes: 5
Oujes: 1


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.421 seconc