benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Lites europeiches 2009: Christoph Perathoner
scrit ai 15 April 2009 da les 20:22:24 da noeles

Politica

Deguna ousc a Cristoph Perathoner!

L candidat ladin dla Svp per les lites europeiches se à caraterisé dantaldut tres na politica contra la union di ladins dlonch y tres 

Image Hosting by PictureTrail.comChristoph Perathoner vegn sen festejé da pert dla Svp sciche candidat ladin per les lites europeiches de chest ann (jugn 2009) y al se autodeclareia "profi", dantaldut te chestions de mendranza. Ma al é n valgunes de bones rejons per ne ti dé nia nosta ousc y net degun sostegn. Enceben che al se ae profilé con n valgunes publicazions scientifiches sun i ladins, anter chestes ence sia tesa de laurea, méssen constaté che al filé chesta acia plutost sciche trampolin politich che de convinzion o de vijions de politica taieda pro sun i debujegns spezifics de na "mendranza ladina". Les does gaujes prinzipales per ne ti dé nia nosta ousc é: 1. Sia posizion agressiva contra l referendum da souramont dl 2007. Perathoner sostegniva la posizion contrara dl assessour Florian Mussner contra les bries referendares y à enstes amonì si amisc de partì de se astegnì da vigni forma de sostegn publich. 2. Da tres la desmeina Perathoner con sia vera al ladin standard o dolomitan con toutes de posizion contrares y entortes, p.ej. sia classificazion assurda de "Kunstsprache".

Christoph Perathoner, l candidat dla Svp.



L spirit dla "Regula Ladina" tla JG dla Svp de Gherdeina - Dezijions toutes vegn ignoredes o entortes
Perathoner se à dantadut festidié de jì su per la lietra politica tla Svp dl raion de Bulsan. I ladins partéscel ite, tla bona tradizion dla Svp, te "deutschgesinnte" y te "italienischgesinnte". Pro chisc ultims auda samben la Union Generela y sies unions de valeda, enceben che al ti reconesc valch merit sun l ciamp cultural. Samben se ràtel pro i "deutschgesinnte", tant che al fova un di puec dla Svp, con Franz Pahl, che fova enfinamai contra la université a Bulsan. Sie model politich, sciche el l descriv te sies publicazions, é chel dla "cooperazion politica" con la mendranza todescia, o miec la Svp, entenan la mendranza ladina sciche na sotmendranza, na "Minderheit in der Minderheit". Da chest resulteia sia oposizion al referendum da souramont y contra l ladin standard, l standard de Perathoner é l "Hochdeutsch".

 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 4.5
Oujes: 6


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Lites europeiches 2009: Christoph Perathoner (ponc: 1)
da travers ai 16 April 2009 da les 10:12:01
(Infos sun l utilisadour | Ti mané n messaje privat)
De ladin à l candidat SVP demé l inom. Chi che vuel despartì, mantegnì i confins interladins metus su da Mussolini, ne à nia da chirì tla UE.



Re: Lites europeiches 2009: Christoph Perathoner (ponc: 1)
da marco ai 17 April 2009 da les 13:01:40
(Infos sun l utilisadour | Ti mané n messaje privat)
Le travert dal Uniun Europeica é chel da fa roé adöm les mendranzes despartides. I "esperc" de dert europeich messass savei y sostegní porchel les ghiranzes de reunificaziun! Chi co é por lasce i confins fascisc laora adöm con la man derta taliana y va cuntra i ladins. Ince sce i ladins é na "mendranza tla mendranza" mess sü derc gni respetês, soradöt da nüsc raprejentanc politics. Sce belo i ladins enstesc n´è nia a öna sön cuestiuns fondamentales desco lingaz unitar, reunificaziun, certl lital etc. romagnará nosc peis politich ince tal dagní te vigne partí o movimont en confrunt a les atres mendranzes scialdi bas.


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.404 seconc