benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

N comentar a 6 meisc do les lites
scrit ai 13 April 2009 da les 17:56:24 da noeles

Politica

La situazion politica di ladins te Sudtirol ne é nia la mioura

Cie nen él pa dles empermetudes fates da les ultimes lites - Dut se brodola inant unfat - I ladins messessa laoré plu autonomamenter che ti sauté do a la Svp 

 Canche al vegn rejoné de chestions desvalives anter i grups etnics de Südtirol, ruvonse tres endò a n pont, olache i son te dificoltés. Al jissa tres debujegn de valch danuef y de na bela cumpeida de mesi finanziars che i partis politics posse mostré su a la jent en general. Autramenter pro i ladins: trueps dij che nosta popolazion ladina à bele dut y che al ne nes fala pu nia. I messe scrive, che la situazion é ben cotant autramenter.



L enteres che la popolazion ladina en general desmostra per nosta realté culturala y politica autonoma, me sà personalmenter de n livel dassen bas.
Al vegn scrit y rejoné truep de colaborazion anter les mendranzes. Ma i me damane, olache o miour a cie pont é pa ruveda encuei nosta jent y sie sentiment de ester ladins, y de avei n pue deplù spirit dezisif per podei porté inant la chestion ladina?
L espert/ i esperc dla materia de politica che i on te ciasa pò y darà dessegur inant sie bon contribut, y aiut. Ma demé ti sauté do a la gran ciampana, che sona é sciode. I messon ence sciche jent ladina enstessa avei plu n gran enteres per l argoment en chestion.
Sce i tolon ca de vigni sort de comiscions de carater plu desvalif da cheles politiches a cheles aministratives, méssen ben dì, che te truepes comiscions a livel provinzial y fora dles valedes ladines, ne é i ladins feter puech y gonot iniò raprejentés. Vàla pa da mioré chesta situazion?
La resposta é clera, davia che al nes é bele vegnù metù a cuer n grumon de empermetudes, rati che al fossa ence dret les porté inant. Ma en gran pert aspetonse che ales vegne realisedes. Gonot me dàl en ment, che nosta popolazion en general sent puech la dreta convinzion de esprescion ladina y enscì végnel baudi cialé demez da nosta realté politica autonoma.
Dl auter vers, chel che é dassen sciode, é propi chel, che les lobbies economiches à metù man de enciurnì la maniera da pensé de nosta popolazion, ence sce les coutes che ruva zeruch tles valedes de Badia y Gherdeina é pa demé cheles che vegn ence dedes ju o defin demanco. Nostes beles raijes tant vedles, y dl auter vers tant enteressantes dal pont de veduda cultural, storich y sozial, se miritassa dessegur n pue de chel renforzament politich autonom y de n maiour respet en plu envers a consciderazions blot economiches. Cie fin à pa fat les empermetudes fates dant les lites y cie él pa vegnù arjont per i Ladins da la SVP? A chest messonse ti sté do.rt

 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 3.5
Oujes: 2


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.365 seconc